مدونتي (عايد السهلي العنزي )...

ماعاش مخلوقن يعرفك وينساك..
بس الزمن زادت علينا حموله..
ياصاحبي جعل المخاليق تفداك..
يفداك كل الكون عرضه وطوله..
اضرب بي الهامه وانا كف يمناك..
اطول منهو عجز غيري يطوله..

خزنت لك بالقلب عشرة ملايين،،

ماهو رصيد فلوس لكن موده،،

زكاة حبك تغني المساكين،،

من الساحل الشرقي الى حد جده،

وأمشي معك والله على العسر واللين،،

الموت والمقــــــسوم ماحد يرده،،

جتني على طاريك عذبات الايام

ذكراك ساقت لي جميع القوافي

لك قلب له مع الطيب وقفات

وبين الضلوع الحانيه قلب صافي

لامن ذكرتك والليالي القديمات

فزيت من نومي لو كنت غافي

لا غبت عني دمعة العين تبكيك
وان جيت يمي خافق القلب حياك
موج البحور ونسمة الليل تغليك
وشلون مايغليك شخص تمناك
مهما تهب الريح والغيم يخفيك
لا بد تشرق الشمس والقاك ...

توك قبل لحظه على البال مريت
توني اسولف عن غلاك لعيوني
اقسم لك اني عنك انا ما تخليت
يهون عمري و انت لا ما تهوني
مثلك عزيز لا حشا ما تناسيت
لو كان وقتي والمشاغل حدوني

يا طول ليلي و ياثقل دمه
من يوم قلبي فقد له واحد غالي
من غاب عني و نفسي شايله همه
الين ضاقت من اسبابه سعه بالي
فيني من الحزن ما يصعب علي لمه
اشلون ابفرح وانا ما اشوفه قبالي
و يا الله ترد منهو خذاني الشوق جنبه

في غربتي صارت جروحي قصايد
اصدق المشاعر تنكتب فوق الاوراق
سطرتها بدموع عيني شهايد
واهديتها للي دوم مشتاق
الوقت خلى احباب عمري بعايد
عايش و حيد بين حسرات الفراق

ما علموك ان الغلا يجرح "الروح"
واني على لقياك تذرف "دموعي"
وان المشاعر صمتها يقتل "البوح"
وان السكوت احيان يكشف "طوحي"
حطيت لك ذكرى على البال "ماتروح"
حتى تروح لخالق الكون "روحي"

احبك/كلمه سوت على الجدار الخفوق نقوش
احبك/دمعه سالت على خدي تواسيني
احبك/في زمن كنه دروب مظلمه ووحوش
احبك/رعشه بجسمي اذا لحالي تخليني
احبك/ماهي بعطر على كتاب الشعر مرشوش
احبك/خنجر بصدري و اذا شلته يأذيني

كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي ....
صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...
غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...
انا الطيبه من عيوبـي وصدقـي طفـل ربيتـه
وعلمته على الاخلاص لكل إنسـان ماشانـي ....
خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـلانـي ...
أنا آسف..أنا آسف يـا اغلـى شخـص حبيتـه
ابرحل واترك العالم واعيـش الفرحـه ثوانـي ...
ابرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني