قصيدة في حال النصر

قصيدة للشاعر / عبدالعزيز الحربي


يصف حال نصرنا اليوم وحال جماهيره العظيمة العاشقه على صبرها





يا نصرنا طوّل غيــــــابك عليـــــنا ............... واحنا نتوسم خيـــر في كل الاعــــــوام


يا نصرنا راح العمر . . ما دريـنا ............... كل ما شكينـــــا . . قلتوا الوعد قـــــدام


و اليا سألنا . . قلتوا تو ما بديـــنا ............... بكـــره يجيك الخيـــــر مع مر الايــــــــام


و اليـــوم باكر بالأمل يحتــــــرينا ............... الين باكــر صار من قـــوم الاوهــــــــــام


احنا تعبنــا من التعب و اشتكينـــا ............... كني اشوف الحلــــــــم ميت من العــــــام


طال انتظاري والصبر شب فينــا ............... ولو الصبر بالمشــــي حفينـــــا الاقــــدام


مير البلا حب النصر مبتلينــــــــا ............... وصـرنا في غرامـه من ردى الحال ايتام


الى متى و احنا معــك ما رسينـا ............... وتبخـرت مع صبـــــرنا كل الاحــــــــــــلام


يا نصرنا ماضـيك غلّــب علينـــا ............... ونقــــول يا لـــيت العهـــــــــد ذاك بك دام


عهدٍ مضى كان الفرح محتوينــــا ............... وكاس الذهب ما يغيب عن شوف الاقرام


كان النصر دايم على اسمه بيدينا ............... وفــي كل وجهـه في يمنها و في الشــــام


حتى بلغ صيته كثر ما بغينــــــا ............... وبالعالمـــــي سمـــــــوه كالحــــر مقـــــدام


يا ما على نغم المسرة سرينــــا ............... ولافراحنــــا غنـــت صحفنـــا و الاقــــــلام


في كل ديرة و كل ساحل ومينا ............... تشهــــد له الاقطـــــار من كـل الآنـــــــام


و اليوم وينك عن جميع امانينـا ............... اللي تـــــوارت خلــف احــــداث الافـــلام


يا نصرنا كلمــا ذهبنــا وجينـــا ............... حبك في جوف القـــلب ما يوم ينضــــــام


احنا معك عبر الزمن لوضمينا ............... واللي يحب النصـــــر ما يـــوم ينــــــــلام


هذا عتبنا و العتــــــــب ياسمينا ............... رسمت حرفـــه بريشة ابـــداع رســـــــام

يعطيك العافية

يعطيك العافيه

ان شاء الله يتبدل الحال ونحصل على كأس الأبطال

الله الله صح لسان الشاعر
ويعطيك العافية يالغالي
بأذن الله تعالى يرجع النصر مثل زمان
بطل البطولات وربي يفرحنا بعودة فارس نجد
مشكور يالغالي

الى متى و احنا معــك ما رسينـا ............... وتبخـرت مع صبـــــرنا كل الاحــــــــــــلام


يا نصرنا ماضـيك غلّــب علينـــا ............... ونقــــول يا لـــيت العهـــــــــد ذاك بك دام


عهدٍ مضى كان الفرح محتوينــــا ............... وكاس الذهب ما يغيب عن شوف الاقرام


كان النصر دايم على اسمه بيدينا ............... وفــي كل وجهـه في يمنها و في الشــــام

صح لسان قايلها وسلمت يمين ناقلها

لا تعليق على الوضع الحالي

تقبل مروري

منوررين فديتكم

صح لسان الشاعر وتسلم يمينك على النقل المميز
بعطيك الف عافية
تحياتي لك

ونقول بكرره يزين الحال ويعود النصر 💙💛
ومرت ثلاث سنين والحال نفسه !





صح لسااان الشاعر
وباذن الله نعـود للزمن الجمميل

صح لسانه ولسانك يابعدي

الف شكر لك أخوي النادي العاصمي على النقل المميز

اشكرك اخوي للابيات
والله يزين احوال نصرنا يارب