ياكثرهم لا قلت لك عرفة وجيه

ياكثرهم لا قلت لك عرفة وجيه
وياقلهم لا قلت قدر ومعزه

رجل تعزه بعد ماتلتقي فيه
ورجل قبل ماتلتقي به تعزه

ورجل ترزه بالمجالس مباديه
ورجل فلوسه بالمجالس ترزه

ورجل يموت ولا يجيبون طاريه
ورجل يجي طاريه في كل حزه

ورجل يهزه بعض موقف ويشقيه
ورجل مهوب أيات موقف يهزه

ورجل ضعيف ويستفزه معاديه
ورجل كلام اعداه مايستفزه

ورجل تلزه يعترف لك بخافيه
ورجل على خافيه .. محد يلزه

ورجل يوزونه ويزعل بني خيه
ورجل يزعل من يحاول ، يوزه

ورجل تكزه لا زم انك توصيه
ورجل بليا ما توصيه كزه

من لا فرش للمرجله ماتغطيه
ومن لايخز الناس محد يخزه

ان كنت تعرفني فهي عرفة وجيه
مو شرط لك بالقلب قدر ومعزه

للشاعر: خلف المشعان

اشكرك مره روعه ماشاء الله الابيات مشكور حيل ي خوي
وصح لسان الشاعر

جميل ماشاء الله بالتوفيق اشكرك

مشكووور

صح لسان الشاعر المبدع خلف المشعان العنزي

ورجل يهزه بعض موقف ويشقيه
ورجل مهوب أيات موقف يهزه

الله يعافيك اخوي على هذا الطرح الرائع
وصح لسان الشاعر الرائع المشعان
ضامي بطوله