قصه الشاعر الزلامى

بسم الله الرحمن الرحيم
السلام عليكم ورحمة الله وبركاته
يقولون ان الشاعر الزلامي كان في دوله الكويت عسكري (وهو سعودي الاصل من عتيبه) وكان يقرأ مجله وفي هذه المجله صورة الملك فهد (رحمه الله واسكنه فسيح جناته) ..وطلب منه احد الاخوه الكويتين المجله فاجابه الزلامي انه بعد ما يخلص من قراءة الموضوع بيعطيه المجله فزعل الاخ الكويتي وكتب الابيات هذي واللي يقول فيها :

انتم بدار(ن) موسعه صدر من ضاق
********************** بلغ سلامي للزلامي وقله
يا عاشق الصورة على بيض الأوراق
********************** دارك عرفناها وعلتك عله
وان كان حبه محرق (ن) قلبك احراق
********************** فشد الرحال ودرب عمك تدله

فأجابه الشاعر الزلامي بهذه القصيده التي قال فيها:

حنا بدار(ن) موسعة صدر من ضاق
********************** وأنا أتخيل صورته مخلص(ن) له
اي والله احبه حب مخلص ومشتاق
********************** وأحب حتى صورته في المجله
هذا الفهد يا رديين الأعماق
********************** ذخر الفهد وذخرنا في محله
اللي اذا يبست وشط (ن) الأرياق
********************** أنا وأنت ومعزبك تحت ظله
حنا سعوديين يا طاق طرباق
********************** احرار ما عشنا بعيشة مذله
رجالنا لو هو على مكسر الساق
********************** حب الكرامه والشرف عادتن له
ويا أهل الحسد منتم على باب الارزاق
********************** رزقي على اللي كون الكون كله


ويقال ان الزلامي يوم جا يخرج من الكويت قال:

هذي هويتكم وهذي بدالي
**************** جميع مافي عهدتي تجدونه
الجيش يلقى عسكري بدالي
**************** ورزقي عاللي ما تغمض عيونه