يارشـــيــد

قصيده منقوله للشاعر الكبير محمد بن علوش
القصيده يغلب عليها جانب النصح ولكن صدق لا قالوا
... كبير يابن علوووش...

يارشيد الطيب فالطيب رصيد=راس مالٍ ما خسر من يرصده
راس مال ومال ما ينقص يزيد=من زرع فالطيب الطيب وجده
حتى لو جد فعلاقتكم جديد=من الامور الواجد المتعدده
إختلاف او سوء فهم لما يريد=يانت ما تقصد ياهو ما يقصده
المهم إنك ابتعدت وهو بعيد=منه انت ومنك هو على حده
لا أحد منكم خسر لكن اكيد=ارصدتكم تعتبر متجمده
لين احد منكم يحاول يستعيد=رفقة الثاني قبل لا يفقده
او حداكم يكربه يومن شديد=وينصدم بإفلاس معظم الارصده
لو هو من الاجناب ياتي لك عضيد=كنك اخوه او ولد اخوه او ولده.