عتاب احباب ...

السلام عليكم ورحمة الله وبركاته
مساكم الله بالخير جميع

اخواني اخواتي اعضاء منتدى جماهير الوفاء إن المواضيع الجميله اللتي بودنا إعتمادها في منتدانا وهو موضوع (سالفه و قصيده).
انا عندي لكم سالفه وقصيدتين وان شا الله تعجبكم "هذا سلمكم الله خبر وصل الشاعر الكبير القطري محمد بن فطيس مفاده وجود الشاعر الكبير الاخر الكويتي محمد بن علوش في قطر ووجود ابن علوش كان بغير علم ابن فطيس مع العلم ان ابن فطيس الى راح الى الكويت ما يطلع الا يمر على ابن علوش يسلم عليه هاااه وصل الخبر لابن فطيس بعدمارجع ابن علوش للكويت فارسل عليه هذه القصيده"
يقول فيها:
ياعبيد هاك كتاب لزمن تفله=وعده على اللي يحسب إني ما عنيت
إنه هنا يومين والله ما اهله=وانا اعد إن بيتي وبيتكم بيت
في داعة الرحمن ياعابدن له=ولا تقول انك من حكاي سجيت
لا جيت ابو جابر محمد فقل له=إنك يابوجابر على محمد اخطيت
رحت لقطر من غير لا تتصل له=وخذيت فيها ستت اوجاب ثم جيت
وقل له ترى الغالي محلي محله=وإن شفت ذبحي له مغثه تهنيت
ياخذ علومي عقب مدخن ودله=وليا تقهوا من علومه تقهويت
لا يحسب إن فقري ورا ذبحتن له=ولا يحسب إنه يوم ما جا تغانيت
ولا يحسب إن قدره كلافه لا بالله=ولا يعتبرها لي محنه يا بالفيت
قله تراها كلها حشمتن له=ابغي ارد اله الجزا يوم عنيت
لدياره اللي دار دله وسله =جيته ورحت وحكيه ارحب وحييت
ابغي اكرم جيته لي جزن له=اموت في رد الجزا ما توانيت
وقل له يابن علوش مسموحتن له=ولا حدني كون الغلا يوم غنيت
وقل له ترى المري قعد في محله=يالهاجري لا عاد لا جيت ما جيت.

"هذي قصيدة ابن فطيس المفعمه بالعتب شديد اللهجه بعد ما وصلت القصيده إلى ابن علوش سمعها واحس بالخطأ فرد بقصيده يغلب عليها العذر وطلب السماح ولا نملك الا ان نقول ما أشبه اليوم بالبارحه ابداع متواصل"
يقول:
يا حي من شعره سمعته يهله=نهار عقبه كلموني وعديت
عد(ن) تسمعته وانا مصغي(ن)له=وعز الله ان بالقصيده تفاجيت
ما وصلني خطك مع اللي لعله=يبطي وتبطي حي يا طيب الصيت
لو انه جا ما خذت الوقت كله=يمدي على مثلك وشرواك رديت
الفٍ هلا والفٍ بعد كلهن له=يامرحبا بك يامعاتب من اغليت
زين الشره لا جا بوقته وحله=من غالي وله حق وش عاد خليت
تشره وانا المشروه متوقعن له=لاني مع شرواك قد خذت واعطيت
منك الشره مقبول دقه وجله=لو انه انا بسوي اللي انت سويت
واللي تشله هاجريك يشله=من الغلا لك ضعف ماني لك ابديت
لا تحسب اني مرخصك لا لا والله= ولا تحسسني بك انك تجافيت
جيت لقطر عندي لي امرن بحله=امرن على شانه عنيت وتعنيت
راعي لزوم ولازمه ما حصل له=والوقت مدركني والى جيتك ابطيت
علي دوام وريس الزام عله=هو علتن وانا لعيا تماديت
ورقمك غدا والبيت ما ني بدله=وحاولت ادل البيت لكن ما دليت
ولو ان عندي رخصتن مستقله=جيت وتغديت وتعشيت وامسيت
بدله ومثلك للنشاما مدلٌه=على كذا رباك ابوك وتربيت
الله يخلي كل منكم ومن له=ويجيركم بقعا وشر الشماميت
ترى الطبايع يامحمد جبله=وانا على منت تهقا بي تهقويت
احدن لا منه رافقك ما تمله=واحدن ليامنك عرفته توذيت
عذري هذا هو وان بغيت الادله=جبت الدلايل كلها والتثابيت
وان كانني لا جيت ما جيت ذله=نعم لا عاد إن جيت ما جيت ذليت.

""نعم ما اجمل العتاب ان اصبح من قلب محب وما اجمل الاعتذار اذا اتى من شخص ميقن بالخطا الله يجعلنا نملك اصحاب بمثل هذا الفكر اذا اخطأنا يعاتبون واذا اعتذرنا يقبلون"" وسلامتكم