تحبني؟! (اي والله احبك)

السلام عليكم ورحمة الله وبركاته
صباح-مساء الخير للجميع
يأبى القلم أن يمر اليوم ولا نشارك معكم,, غزليه نأمل ان ترقى إلى اذواق الاعضاء جميعا...

يقول:

اي والله احبك وذوقتني الهم=وذوقتني طعم الاسى والحسوفه
وعلمتني فرق المفارق عن اللم=والموت من بد العرب صرت اشوفه
وعزلتني عن لمة الخال والعم=حتى لو إن الضيق طبل دفوفه
والمشكله ياصاحبي منت مهتم=والبعد والنسيان منك معروفه
كله لعين الحب ياليت ما تم=وياليت ما كنا ندور صدوفه
وليت المحبه درب يقطع وينتم=وليت القلوب تعرف ويش الكلوفه
ويا ليت كلمة ليت تنفع يابن عم=كان نتمنى ما يجيب النكوفه
اثر المحبه درب محفوف بالسم=ديره وبنواع السموم محفوفه
الحب تلقى منه الهم والغم=والجيد اللي راح نافض كفوفه
اللي يعافينا من الغم والهم=والله يكفينا الزمان وصدوفه

وسلامتكم