احس ببرودة جو لو الهوا كنه...

انا وسط عيني من اسرار الحزن مكنون=وانا كنت احفظ السر فالصدر واكنه
ولكنّ سر الحزن جا للعيون النون=وانا لاني بناسي ولا سالين عنه
بعد طولت الغيبه من الفاتن المزيون=وانا احس قلبي بعده يطول الونه
ولا لي سوا ذب الطويله واجر لحون=عساني اخفف ضيقتن فالصدر منه
الا ياوجودي وجد شيبه معاشه شون=كريمن ولكن الزمن ما ضحك سنه
جمعنا الزمن واثر الزمن قاسي وملعون=يمِنّ بجميله والزمن مالي بمنّه
تفرّقت انا وياه واستنفد المخزون=صبرنا ولكن الصبر ملنا لنّه
مع طول صبري اذكره والعيون عيون=وحزني بصدري والصدر زوّد الحنه
إلى من ذكرته قلت ياربنا بالعون=تعين الصغير اللي خذ الحب من سنه
انا خابر اني لا لمحته بأقصى الكون=احس ببرودة جو لو الهوا كنه
ولكن مدام إن المثل وافي وموزون=مِثَل مصر عشم ابليس مرهون بالجنه
انا بدعي الله يجعل من العسير يهون=ويجعلني احفظ دايم الفرض والسنه
ابقرن فراقه بالحزن والحزن مكنون=في داخل عيوني والصدر دايم اكنه

وسلامتكم وان شا الله تعجبكم...