من يحب النـصر دآيـم عآل عآل ..}

السلآم علـيكم ورحمـة الله وبركآته

في البدآيـة من العآيـدين وكل سـنة وأنتم بصحـة وسلآمـة ..

بإختصـآر ..

جآتنـي قصـيدة من أحد أبنـآء العمومـة .. ( عبد العزيز ) .. ( هلآلي )

ورديت علـيه ..

فأتـرككم مع القصـيدتـين ..

يامحمد بارك لناد الهلال = فوزه الدايم على ناد النصر
فالمعارك مايبين إلا الرجال = فاز راع الحق والظلم اندحر
راح وقت النصر مع ماجد وزال = وقته اللي كان فيه بمن حضر
يوم راح العود ثم جونا العيال = ضاع عز النصر والفكر اندمر
مايفوز النصر لو الوقت طال = عمر ذيل القوم مافاز وظهر
شوف وضعك من جنوب ومن شمال = واحسب حساب الجماهير الصفر
انتظم معنا ولو لحقك جدال = عش بفرحة مابقالك من عمر
وأبشر بعز (ن) يدوم مع الليال = بإذن رب الكون خلاق البشر
ياصحيبي والجزال الها الجزال = والمعاني كنز في غبة بحر
خسر جمهور النصر فاز الهلال = علم ثابت لامحيص ولامفر

فقـلت ..

ول ياجند الجهالة والهبال = لومدحت النار طبّح منتحر
النصر مايكرهه غير الهزال = مرتضين الهون دايم والحقر
ولو تشوف بهم غنى فوق الدلال = عايشين بضعف نفس وفي قهر
مايميّز في حرام وفي حلال = ذا ثبات وما خفي أدهى وأمر
ياعزيّز والحمول الها الجمال = ولا يشيل الحمل كود المقتدر
من لدغه الداب يجفل من حبال = ومن خذاه السيل روّعه المطر
مابلش عزيز نفس بقصر حال = بل بلش صاحبك في مكر وغدر
انشد الدوخي يحل لك السؤال = وانشد الغالي حسام عن الخبر
ومر أبوزندة ولا تنسى جلال = واطلب من الكابلي واحد نفر
الفساد اللي غشاوته اعتدال = بان في غدرا سماكم كالبدر
اتحادات وجرايد واختلال = فالمبادي والمبادي فالقبر
كلها سبّة قحص شين الحوال = عقب جاب العيد من ثم استقر
جرّكم بالكذب لقرون الحلال = مابقى ياكود قرن ابن البقر
أمنيتكم كايدة صعبة منال = عالمية متعبتكم من دهر
انشد عن العين وانشد عن صلال = تذكر أم صلال من طريا قطر
وانشد عن الوحدة اللي ماتزال = صفقة اسماعيل ميسمها حمر
وانشد عن الشارقة والحال حال = خمسة (ن) منها ظهركم ما انجبر
ياكلام (ن) فالهوا وبلا فعال = ياخسارة وقت (ن) ومال (ن) هدر
ماذكرت إلا الخليج أهل العدال = مانويت أسرد لكم سطر سطر
مير مر الفرس ترجم ثم تعال = ( مشكل اجهاني قوي ) وين المفر ؟
من يحب النصر دايم عال عال = ومن يعاف النصر في حقر وقهر
محمد العتيبي