ما يجس النبض ويهز القلوب؟ غير.....

يافهد والقلب عيا لا يتوب=حتى لوذاق المهونه والصبر
يافهد لو صار شفّي بالجنوب=ردّني قلبي الى عكس الممر
يافهد والى بغيت انصى الغروب=رحت حدرا غصب من دون الفكر
يافهد قمت انتظر هب الهبوب=يمكن القى حل في بدع الشعر
المصيبه طحت في ام العيوب=وزوّدت ما كان بي من مُرّ مُرّ
دورو لي شخص ما يعطي حبوب=ولايعرف شلون تركيب الابر
خصصوه اهل المعرفه واللبوب=للمحبه عالم بلا مختبر
يمكن القى في يده دق الطنوب=او أحصل في يده فك السحر
وكان ما عيّنت لي شخص محبوب=منه احصل علاجي واستقر
فاسمحو لي اقصد الريم اللعوب=وانعته لا عاد قدامي يمر
عقب ما ذا القلب اجبرته يتوب=عقب ما ذقت المهونه والصبر
ويافهد تكفى ولو يمكن تنوب=بلغ هروجي فطاحلة الشعر
قل لهم باللين وبأرقى أسلوب=قل لهم وش قولكم في ذا الشطر
ما يجس النبض ويهز القلوب=غيير دمعة رجل طاحت من قهر...

وسلامتكم...