الليل موحش....

الليل موحش لارفيق ولاصديق ولا ونيس
مافيه من يسعد مساك بخير والا تسعده

حتى الرفيق اللي تنومس به وتختاره جليس
اقفى عليه الحظ من جور الليالي وابعده

امسيت وين امسيت ليه امسيت ياليل الخميس
واللي سراك بخير لكن طول مسراك اجهده

واللقمة اللي تبلش الحنجور والحظ التعيس
ان ماكلاها الذيب عداها على ضرس ولده

والطيب يزرع في مكان الطيب ماهو فالخسيس
اللي اليا ضاقت عليك الارض باعك واجحده

والله مادري ويش اقول, اقول ياللعبة ابليس
نشوفها وحده على لسانه وحده في يده

عرضت نفسي لتعب واشغلني الدر النفيس
واقول بكرا لابعد بكرا و لا اللي ابعده

ماكني اعرف ليلة الجمعه ولا بشت العريس
لكني اعرف ليلة الفرقا عذاب الافئـده

لكن فمان الله ياشي وسط صدري حبيس
جعل العيون اتشوف عثراته قبل ماتفصده

في ذمتي ذمه ماعاد ابكي على ليلى وقيس
الا بغمض جفن عيني واشكر الله واحمده
مماراق لي.....