ودي أسامحك لآكن إشلون

مـــــا عاد في قلبي أشواق وغرام وشجون
الحـــزن والـضيق مــــــا خلو فـي قلبي مكان








البارحـــــه عقب ليل البارحـه وش يكون
مـــا عـاد أحا تي كسر بيرق وكبوة حصــــان








منك أنت يــــاللي أخبر إنك خجول وحنون
فـوقت فـرقـاك قـل لـي ويـن راح الحنــــــــان








ودعتك وكــــل رمشه من هذيك العيون
يعيش فـينــــي قلق ويموت فينـــــي أمــــــــان








علمتني كيف أعيش من الفــراق مغبون
وعلمــــتني وش تعنــــــي كلمة الإمتحـــــــان








ووريتني كيف دمعـة تنــــزل من الجفـون
ووريتنـــــي كيف عمري تنقص إلى ثمـــــان










ودي أســــامحك عن غلطتـك لآكن شلون
أســــــامح اللــــي عطيته كل حبي وخـــــــان









ليتك بعد مـــــاخنتني علمتني كيف أخـون
عـشــــــان ارد إعتباري معـك وإلا عـشــــان









أضحك وأكابر وأقـول إنك عزيز وتمون
مع خــــالص الـشـكـر والتقديـر والإمتنـــــان









مـشكلتك إنك اذا حنيت زدت الـطعون
ومشكلتي إنـي أحـــــــا تـي تركتك من زمـان








كـــــــــل شي يجي بعد الفـــراق يهون
إلا إنك تشوف روحك مع فـــــلان وفـــــــلان