قصيدة في صاحب السمو الملكي الأمير : فيصل بن تركي

السلام عليكم ورحمة الله و بركاته ...
قصيدة في صاحب السمو الملكي الأمير : فيصل بن تركي

أسعد الله أيامكم بكل خير ...

ماكل رجلن لابغا الطيـب طالـه ** بعض الاوادم مالهم فيـه مدخـال



الطيب ضلعن يتعب اللـى رقالـه ** كم واحدن حول يبي الطيب ماطال



ماياصله ياكود مـن طـاب فالـه ** للى يمينـه بالمواقـف لهـا افعـال



سوات ابو تركي كريـم السبالـه ** فيصل بن تركي على كـل الاحـوال



لـه الثنـا منـى لياجـا مجـالـه ** انا اشهدنـه بالمواجيـب رجـال



نعمن بهذا الشخص فيـه الشكالـه ** اقولها يومه عـن الطيـب مامـال



ماخاب ظن اللـى نصـاه وعنالـه ** فى حزت الماجوب يجهد لك الحـال



لاشاف من صوت على اسمه عداله ** ماصد عن وجهه ولا هوب ختـال



قرمن يباشرك الوفـا فـى وصالـه ** عزالله انه تنظـرب فيـه الامثـال



لاتحسب انه منـك يضيـق بالـه ** صدره وسيع وقفته وقفـة ارجـال




حكيـم راي ولا بقلبـه جهالـه ** حرأ مواكيره علـى قمـة اجبـال



ساسه عريب وفيه طيـب الخصالـه ** وعلى علوم الخير له طيـب منـزال



ماهوب من يمشى بـدرب الخمالـه ** عزيز نفس ولاسمع هـرج الانـذال



على المراجل دوم يكـرب احبالـه ** متعلين ماهو علـى حافـة الجـال



المد ح فى قـول الرياجيـل نالـه ** ياقل من مثله حشى مالـه اشكـال



طيب وكرم واخلاق والكل قالـه ** ومن لاذكر طيب الرياجل د جـال



فـى طاعـة الله مامشـا بالظلالـه ** الد يـن دستـوره ولاهمـه المـال



الله يسمـح لـه طريـق العدالـه ** يارب يامنـزل تبـارك والانفـاال



تمت وصلـو عـد بـرق الخيالـه ** واعداد ماتكتب حسينات الاعمال



على حبيـب الله راعـى الرسالـه ** صفوة قريش المصطفى خير الا جيال

نصرالزبير