وفي بمنتدى الاوفياء

على طاري الرماح اللي رمتني من ثلاث سنين
تردد داخلي صوتٍ حفظته في دواويني..

عزف جرحي ونزف دمعي يجرّح صافي الخدين
كأنـي اسبـح بدمي وغارق فـي شـرايني..

اصيح بصوتي المبحوح اناجي ريحة الغالين
اعاتب هالزمان اللي خذلني وقلب مضنيني..

رغم هاللي حصل منه رغم طعنه لي بسكين
رغم كذباته وغدره يبعثرلـي عـناوينـي..

الا ياقلب وش صابك بتاخذني معاك لـِ وين
لذاك اللي ذبح روحي وسرقها مني سنيني..!

افا ياقلب ماتابت شرايين الغلا للحيـن
افا ياقلب مستقصد تزيد الدمع في عيني..

كذا يعني تبي ننزف وهو يضحك مع السالين
كذا يعني ترجعني وهو اللي ماسأل ويني..

ابيك الحين ياقلبي تقفي بقفوة المقفين
مدام انك نويت تذل مابي بعمري تحييني..

يموت الحب بس نبقى كذا بإحساسنا راقيـن
واذا الإحساس راضي الذل..
اموت والعزّه ترثيني..