احبك لو يموت الحب ...

تخوفني مشـــــاوير الطريق المظلم المهجور
والي مني ذكــــــرتك قلت طولــــي يــامشاويري











عزاي انك رجاي العذب لو كل الدروب عثور
وصلت او ماوصلت اعرفك مانته منتظر غيري










حبيب وكـــــــل الله لاتحسب اني بليد شعور
لو انت المستحيل الصعب مــــابدي لك معاذيري











احـــــبك رغم تجريح الليال لقلبي المقهور
اشوف الجــــــرح يكبر وانت تكبر وسط تفكيري











احـبك لو يموت الحب وتصير القلوب قبور
احبك كلمة لو حــــــــرموها حـــــــل تفكــــــيري











احـــبك من هنا حتى طلوع الفجر حد النور
صحيح انك قدر محتوم بس اجمل مقـــــــــاديري










بعذر اللي يحبك لو يصير الشاعر المشهور
لانك تنهــــــــــمر حلو القصيدة فــــــي تعابيري











احد يحطك له حبيب ومـــــــا يجيه غرور
وانـــــــــا مهما بغيت استوعبك يـــــاقل تقديري











هــــــلا بك من قدمك لغرتك لشعرك المنثور
هلا فـــي كل شئ فــــــيك وانت اغلى مساييري











اثر صدق الغلا يجبر حطام الخاطر المكسور
وانا مهما منحـــــــتك من غلاي اشعر بتقصيري











ولو طالت مشاوير الطريق المظلم المهجور
انــــــا لامن ذكـرتك قلت احـــــــــبك يامشاويري