فــــــلســــــــفة خــــاصـــة

بسم الله الرحمن الرحيم

اكتب من البيت الاول شطره الثاني & ويغار صدره ويزعل منت كاتبني

وأنا علي بالحرام الشطر ماجانـي & بس في بداية قصيده ما يناسبنـي

لخبط حسابات فكر وصار شراني & يا آنت تكتب هنا أو منت حاببنـي


أصبحت في أيدينهم خاتم سليماني & وأنت السبب يا مغلبني وغالبنـي

خليتني يا معذبني ورى أحزانـي & سراب حـزن وعناوينـه تئنبنـي

يا ما من الليل سهرنـي وبكانـي & اسهر على حب ماكلني وشاربنـي

يا ما من الناس فارقني وخلانـي & مو بس صدر القصايد هو يطالبني

هي فلسفة شعر مخلوطه بوجداني & رتبتها واحسب التفكيـر سالبنـي

بنيت الفكر في الوجـدان تبلانـي & وأنا ادري الفكر لأولاده يحاسبنـي

يسار صدر وحكاية حب خِلانـي & وعلوم عشاق والي صار قالبنـي

بالمختصر لو دقايق بس تنسانـي & تزعل عليك القصيده أو تظاربنـي

شفني كتبتك هنا والعجز فالثانـي & حذاري انك تقول آن منت حاببني

وسلامتكم