لا مانسيتك كيف أبنساك

.
عقبال ياماخذ فؤادي مية عام ..
.. ضيعتني منك وأنا ما أهتديتك
.
لا ما نسيتك كيف أبنساك ما دام ..
.. ذكرى الفراق تهزّني لو نسيتك
.
حبك قدر وأنا على دين الاسلام ..
.. مكتوب في وجه الجبين ورضيتك
.
لك في الضمير الود والحشمه اتوام ..
.. ولي في ضميرك مثل ما انا بغيتك
.
ولك منزل في نايف القلب وخيام ..
.. وذود الغلا ترعاه ولا شكيتك
.
يفطر عليك القلب وان فارقك صام ..
.. والله لو إنك شوك سدره كليتك
.
القلب طير لا دعِي للهوى حام ..
.. والا أنت وكره من كثر ماهويتك
.
كن العيون من النظر عقبك أيتام ..
.. وكني ماريت الا انت من يوم ريتك