مـلـيـت..!

مليت ج ـرحك وتبريرك وموالك
تـ خ ـطي وترجع تعتذر لآجل ترضيني
إن كان جرح القلوب البيض يهنى لك.!
يموت حبك ولآ تنزف شراييني
يموت قلبي ضمأ وأموت أنا هآلك.
ولا أشرب الذل بيدينك وتسقيني.
غرورك أعماك تحلم تبني آمالك
نهايتك جت بيدك قبل تنهيني
والله لا أنت ولا عشرهـ من أمثالك
تخضع له النفس ويفكر يمشيني
أول معك كنت وافي وأعشق ظلالك
ياما نصحتك ولكن ما سمعتيني
اليوم ماهمني لوكنت في بالك
ماني بظالم ولكنك ظلمتيني
في واقع الأمر ماني بأصغر عيالك
رباني الوقت لاتحلم تربيني
غلاك مات أبتعد وأفراقك أشوى لك
لا ترتجي الدمع وأحذر لا تعزيني
ما ينزل الدمع لأمثالك ولأشكالك
أصلا من تكون حتى تفقدك عيني.؟
نهايتك ترجمة لك واقع أفعالك
تعبت أوضح ولكن ما فهمتيني
لاعاد تحلم يجيء رقمي بجوالك
والله ما أخضع ولو ترقص شياطيني
أبي أتركك للندم وأفكار عذالك
ما همني عاذلك وأنتي خسرتيني
خسرت نفسك ومضنونك وتمثالك
خسارتك للاسف ماعاد تعنيني
خلاص أبي أرتاح غادر والسعد فالك
لاترفع الصوت وتفكر تناديني...

=( ممآ رآق لـ .:. لاتہےـزيد المےـواجہع