ألحق قبل الحذف

ألحق قبل الحذف


منــــــــحاش من نار وطبيت في نـــــار
وياويل هـــاللــي وقـــــع بــــين نارين

وان الجمل صابر على الضـــــيم صبار
وان طاح تكثر في جنـــــــــوبه سكاكين

وانا لاني متابع الـــسياسه والاخـــبار
ولا همني فــــوز اوباما اوفـــوز باكين

ولا همني وش قال حســـني لبشــــــار
وما همني لو زادو الهنـــــد والصــين

وماهمني لو سوق الامـــــــوال ينهار
وماهمني ان كسبوا او خسروا ملايين

ماهمني الا راتبي اذا الشــــــهر طار
كله صرف باقف ليوم خمسه وعشرين

الف ثلاميه على طول في أيــــجار
واربعميه مصروف جوال في زين

والف وميه قد راحت في شركة اعمار
قرضن اخذته وشفطوه الشياطين

والف وميه بروح أسوي بها الكار
سيارتن جــــــربه ثلاثه وثمانين

لا شمت الراتب يجيـــــها كما الزار
تنفض ماكينتها كما نفض بكــــلين

وام العيال تصيح يا زوجي الــــبار
هذا الشهرعندي في القصر عرسين

واخر ميه بتروح بجـــــيب كومار
الحارس الهـــندي عسى فاله الشين

ويقول ما تكــــفيه للفلفل الحـــــــار
يبـــي من فوقها مــــيه وخمـــسين

منــــحاش من نار وطبيت في نــار
وياويله هاللي وقـــع بين نـــارين