الله يا نصر..

الله يا نصر.. بعد ما كانو يفرحون بالتعادل معك هزيمتك اصبحت عند الكل ما يضيعها.. الموسم الماضي الوحدة والحين الفتح الله يستر..شباب شطحه فريقنا ممتاز.. ولاعبيننا اكه(للعبة البلوت)ممتازين جدا.. اللي ينقصنا توظييييييييييف اللاعبين..حنا نبي نغير الخطه اولا نفسيا اللاعبين ملوا من الخطه المعتوه 4-4-2 النصر بهذه الخطه يقتل اللعيبة.. باختصار نصرنا العالمي يحتاج لخطة 4-3-3 الا وهي 4-2-1-3 هكذا تعطي الزيلعي حريته وبكم المهاجمين اللي عندك استغل واختار من تبي طرف و راس حربه ومارسير وغالب يتبادلون الاماكن مره ههذا ثابت والثاني يساند الزيلعي.. وقت الدفاع الخطه تصبح 4-3-3 ووقت الهجوم تصبح 3-4-3 بتقدم الاظهره وبقاء المحور مع السناتر وتقدم المحور الاخر النصر لن يرعب الا بهذه الطريقة.. كمثال للخطة خالد راضي(حارس)..من اليمين الى اليسار الغامدي هوساوس عنتر حسين ..مارسير وغالب محاور والزيلعي اماهم لصناعة اللعب والامام يمين مالك او الرشيدي ويسار بينو او القحطاني والمهاجم ريان او سعد وطب وتخير حتى لو احتجت للسهلاوي فالصندوق او كطرف وبعودة المجرم حمود كطرف يمين يعني يوجد لديك كثير من الحلول وبهذا توظف اللاعبين صح ومنها تغير نفسية اللاعب وروحه ..

نجي للنقطة الثانية اللي وهي كلام رئيس النادي وهو اول ما اتي قال انا جاي ابني فريق.. بناية الفريق بعلم كرة القدم يبيلها سنة مو 3 سنوات تقولي ابني فريق لانك بتبني في سنة وبعد 3سنوات تغير الفريق وتجدده هذا الفكر.. طبعا كما هو الواضح لا يوجد فكر بالنسبة للي حاصل للفريق .. والآن دورنا كمشجعين للنادي نطلب بالمحاسبة محاسبة المنسق الفني ومدير الكرة ورئيس الناداس.. اذا ليش توجد جمعية عمومية ويوجد مجلس اعضاء الشرف لمحاسبة المخطئ.. فاذا كنا نحب مصلحة فريقنا فالحل اذا ما حصل ما نريده اما المقاطعة مثل ما حصل بعد مباراة الاتفاق وما حصل في مباراة باختكور.. واما نفعل ما يفعله جمهور الاهلي..بالحضور وبقوة واجبار الفريق على العودة اما البقاء فالوسط فهو لا ينفع ابدا.. اذا نحن تعدونا من الفرق الكبيرة فالدوري فالجماهير هي من تغير وتفعل..

(ارجو من لديه عضوية مفعلة في nassr.com ان يوصله الى هناك فنحن نبحث عن الحلول)