راشد .. الغير راشد

رداً على من تطاول على نادي النصر في أسقاط مكشوف لاترضاه أمة النصر العظيمة أبداً

راشد .. الغير راشد

با اهل الطواقي صفقوا .. للمنادي=شاعركم اللي صار للكذب .. نبراس
عودٍ .. كبيرٍ .. مير .. زاد التمادي=ومما بجوفه قام . هو يضرس اضراس
كنت أحسب ان العود .. مهدي . وهادي=ماكنت احسبه للفتن حط .. مقباس
اول احسب انه رزين وقيادي=عمده . وحرفٍ كنت اظنه على ساس
واثره من اللي للتعصب ينادي=على الفتن يركض بلا حد واحساس
على (النصر) قلبه غشاه السوادي=واللي بجوف القدر .. يظهره ملاس
بعض العرب طبعه مع اسمه مقادي=والبعض مابينه وبين اسمه قياس
راشد عمر .. والفكر مابه رشادي=افنا سنينه بين عودٍ .. ومرواس
اتجارته ماهي بحسن المبادي=اتجارته توعد من الله .. بالافلاس
قولوا .. لذاك العود وين انت غادي؟=ياعود وقف كان في راسك نعاس
نادي (النصر) مجده يفوق النوادي=بتاريخه الناصع .. معزه ونوماس
تاريخه ابيض ما اختلط بالفسادي=ومايرخص الذمه لجل رَفعة الكاس
دايم بميدان الشرف ذاك .. بادي=يشهدله التاريخ .. وتشهدله الناس
يكفي يوم انه راح مثّل .. بلادي=فالعالمية .. فعل نرفع به الراس

راعي الروضة