متلازمة النصر ....سوال للاداره وطلب للامير.....هرطقة مدرب

لا تخليني لوحدي ...لا تروح وتتركني ...انا ما اقدر على فرقاك
لو تسير بضلمه ...لو تعيش بقفره ...انا معك اسير على خطاك
يا عالمي الكون انت منت حبيبي انت روحي وكياني وان بغيت انخاك

ساعات ودقائق احسب بعدها الثواني لين تبدا المباراه ،،،، تجيني احاسيس ما
اقدر ابعدهاعني ،،قلق خوف و رعشه وعصبيه ،، بعدها ... يبدا القلق يختفي ثم
الرعشه تنجلي ثم الخوف يتهادى وما يبقى الا العصبيه ...
العصبيه اصبح مرض متزامن مع حال النصر ..حتى ان الاطباء في العصر الحديث
شخصوها بمرض النصر وسموها متلازمة النصر ...
في العصر الماضي اللي قبل الحديث ...وان بغيت ابدا عنه الحديث ....اعرف اني ما
راح اصمد بتخنقني عبراتي عن ماضي تجلى ومضى عن تاريخ تسطر برجال من
الذهب بس مهو غايتي الان في عجالتي .......ارجع لعصبيتي اللي دايما في صحبتي
اتذكر زمان لما يوسف خميس يستلم كوره نعرف مصير الهجمه ونعرف طريقها انها مسّيره
ما يمنعها الا صافره المهنا وحاشيته ،،ما كنت اعرف العصبيه ولا الخوف ولا القلق
كان وسط النصر من اقوى المراكز وهذا انعكس على منتخبنا في مسيراته ..صناعة اللعب
تعتبر من الصناعات الثقيله في الفريق و هي عصب الحياه للفريق ..نعم من اهم المراكز
اللي تتكل عليها في تاسيس فريق متكامل وقوي ..
من ابجديات الكوره ان ابحث عن صانع للعب للفريق تخيل لو الفريق لديه صانع للعب الان
كان معضم المباريات فاز فيها النصر وليس تعادل بل فوز واضمن لك السهلاوي هداف
وجود صانع للعب يخفف الضغط على الدفاع حتى لا يضطرون للهجوم كما يفعل الغامدي
يهجم ويترك خانته كذلك يجعل المهاجم في حالة استعداد لاستقبال ايه كوره اثناء الارتداد
ص ا ن ع للعب هذا اللي محتاجه النصر فقط
-------------
اسئله محيرتني لادارة الكوره
ليش لاعبين النصر اكثر لاعبين معرضين للاصابه بين لاعبين الانديه
ليش لاعبين النصر نفسيتهم متقلبه من مباراه الى مباراه
------------
طلب لسمو الامير
كثر الكلام في حقك واشاعاة بانك ناوي تدمر النصر بس اللي واضح
قدامي انك الى الان مش واضح ..ترجل من جوادك وحط ايدك بيد الداعمين
وخل عنك الناس اللي يحبون الترزز و يدورون مصلحتهم بطوله وحده تكفيك
وتخلي الجمهور يشيلونك على الاكتاف
--------------
يا مدرب ابي افهمك عجزت .....ثواني احبك وايام اكرهك يا اخي من اول
ما استلمت الفريق عمرك ما لعبت مباريتين بتشكيله وحده ياااهوه ايش المدرب هذا
طيب مسامحك بس شف لنا صانع للعب وانا اضمن لك سنتين في عقدك

خذ وخل