عـــمــر الــشــقــى

الصبر ياعمر الشقى ماعاد منك الا القليل
ضاعت سنينك الاوله ماعدعلى الباقي اسف

ادري تعبت وهدتك متاهة دروب الرحيل
في رحلة ما تنتهي لمسافر ماله هدف

الصبر ياعمري ترى مالك سوى الصبر الجميل
مادامك مكعب زهر تلعب به كفوف وصدف

شكيت دربك واشتكى ولو طقت ياعمري الطويل
مادست دربك بالخطا والدرب لويقدر وقف

كم طلت ياعمر العنى لكن بقاك اكبر دليل
ان الشقي عمره بقي مهما شكى جروح ونزف

عمره مثل موت بطي يسري في عروقه ثقيل
لاهو بميت يندفن ولا بحيّ ينعرف

تدري وش اتعب صاحبك ياعمر لين اصبح نحيل
تدري وش اللي غربه . وش عذبه . لين اعترف

تدري وش اللي يجبره يطرد غبار المستحيل
لاسار في درب رجع قبل يتعدى المنتصف

الحب . ياعمر العنى . الحب . والوقت البخيل
والقلب الاعمى . والقدر . وحظوظ ملعونة جدف


لشااعر: علي السبعان