رغم الجروح اللي بقلبي !!!!

هبت جنـوب وطـاح بـرد المكاتيـب
..............ويا كثر مـا هـب الجنـوب وذكرتـه
يملا حضوره من حضوري وأنا أغيب
............وياما غيابـي فـي غيابـه حضرتـه
إن جا مطر صارت له إضلوعي اشعيب
............وإن راح ريـحٍ طيـر اللـي بذرتـه
طال السكوت ومال صمتـي مطاليـب
............غير الكـلام اللـي وقـف وإنتظرتـه
جنبت لو مالي عـن الدمـع تجنيـب
.............من وين مـا صديـت فينـي شعرتـه
واصمتي اللي صـار فعيونهـم عيـب
............واجرحي اللي لـو فضحنـي سترتـه
لي صاحـبٍ يمـلا كفوفـه تراحيـب
............لولا الحيا من ضحكتـه مـا أعتبرتـه
يا صاحبـي ماهـي عليـا مقاضيـب
............عذروبي إنك ذخـري اللـي ذخرتـه
عذروبـك إنـك شوهتـك الأكاذيـب
............عذروبك إنـك جـاك طيـب ونكرتـه
إن جيتنـي بفـراق زود العـذاريـب
............لاجيك أنا مـن زود صبـر صبرتـه
للطيـر جنحـان وريـش ومخاليـب
.............لكـن يضيـع صيدتـه فـي غبرتـه
ومن جزم نفسي يوم صار الردى طيب
............حلمـي قبـل لا يكسرونـه كسـرتـه
ومن راح منـي قلـت لعلّـه مصيـب
............دورت لـه عـذرٍ كريـم وعـذرتـه
اللي يبي بعـدي انـا مانـي قريـب
...........امـا ربحنـي وإلا أنـا ماخسـرتـه
قلبـي خويـي مالقلـبـي معـازيـب
.........واللـي حقرنـي مـن رداه احتقرتـه
رغم الجروح اللـي بقلبـي معاطيـب
...........حبيـت كفيـن الـزمـان وشكـرتـه

مماراق لي ....