قلب الوفاء !!

ياشايف نفسك على الناس هونك
الله الكبير وباقي الناس من دون
غرتك نفسك وانت نفسك تخونك
ماكن به غيرك على الارض يمشون
بعت اللذي بالامس يسوى عيونك
من دون سبه بعتني بظن وظنون
وانا اللذي حطيت دوني ودونـــك
وغيرك حرام بدخلت القلب يبطون
واقسمت لك عهد الوفاء مااخونك
وجازيتني بالصد يازين ممنووون
معقول ماتعرف من اللي يصونك
وماتعرف اللي في محبتك مجنون
ياهيه خاف الله وبطل ظنووونك
حبك بقلبي داخل الجوف مسكون
اترك هواء اللي بالتسلي يبوونك
ناس مهمتها تسلي ويقفووووون
بوح اللحظه

همسه انا مقل بالشعر في هذا القسم مخافة ان تأول
قصائدي بغير ماهوا يحيك في نفسي .. فمثل هــــذه
الابيات الشعريه لاتعني بالضروره ان هذا واقع ضامي
انما مجرد ابيات شعريه تاقت لها نفسي ومرت علي
خاطري كمر السحاب .. فأحببت ان اكتبها في هـــذا
القسم .. وكما يقال اعذب الشعر اكذبه ؟؟ وانا هناااا
لااادعي الشاعريه انما هي محاولات شعريه بسيطه
لاترتقي بأن تكون ابيات شعريه جزله ................
مع التذكير بأني اقتبست المطلع في الابيات من ابيات
شعريه راقت لي فبنيت عليها هذه الابيات ...........
تحيتي لكم علي الدوام
ضامي بطولة