لو سمحت ( انت - انتي ) يالغالي ويالغاليه شوي ابيكم

السلام عليكم ورحمة الله وبركاته

اسعد الله أوقاتكم بكل خير ومحبة

اولا : يشهد الله اني احبكم فيه ، ولا ارضى اشوف احد فيكم متنكد او زعلان او به ضائقة

سواء داخل المنتدى او خارجه ، نحن اخوة وانا اخوكم قد اكون الكبير او الصغير اياً كان لا يهم

المهم أنني في خدمة الكل والزعلان انا اراضيه يا عيوني انتم يا احبابي انتم .



اليوم كانت اول سقطات النصر في كأس الابطال ، وكانت صدمة بنسبة 99 .99 % للجماهير

العاشقة ، ابي من الكل يوم يمر على هالسطر يقول ( الحمد لله - قدر الله وما شاء فعل ) .

اولا نبي الاجر - ثانيا هالكلمة تهدي النفوس يا بعد قلبي وحيي يا اعضاء هالمنتدى الغالي .


ثم نبدأ بما هو مناسب للطرح والنقاش ، اتفاجأ دايم بعد كل هزيمة او نتيجة غير مرضية للعالمي

طرح مواضيع متكرره في المحتوى وكلها سطر سطرين ؟ ليش ؟ عارف انك زعلان/ زعلانه

بس هالمنظر يشوه من هيبة المنتدى العالمي والعالميين ، وشفيها لو واحد فتح موضوع للنقاش

مباشرة بعد المباراة ؟؟ ابد كل اللي بقلبك يا اخوي ويا اختي طلعوه في هالموضوع لين تبردون

وترتاحون وهذا من أبسط حقوقكم ، وبعدها يغلق الموضوع وتجري المياه في مجاريها الصحيحة .

اما مواضيع كثيرة بشكل عشوائي عادة مضرة وضررها كبيير يا حبي لكم .



انا والله عارف اني ممكن القى سب وشتيمة داخل بعض النفوس بسبب طرحي هذا ، ولكن من الان

اقول لكم ( مسامح الكل من قلبي لأني اغليكم حيل ) .



مجريات المباراة :

ش1 : دخل الفريق النصراوي بتشكيلة فاجأت المحبين ، ولم يكن احد متوقع التراجع من البداية

امام فريق يلعب اللعب المفتوح وهذا اسهل ما يكون في كرة القدم .. فخلاصة الشوط الاول

واستكمال للتدهور والهزيمة بسبب تخبط المدرب غير المدرب ما احد يتحمل المسؤولية الا

( فيصل بن تركي - واللاعبين اللي يقدرون يسيرون المباراة زي ما يبغون " بدون ما يرجعون لتكتيك المدرب فهم محترفون ولا بد ان يكونون غيورون على الشعار اللي يلعبون من اجله والكورة اللي يحرقون وقتهم وهم يأدون لحبها ، لكن ثقافة كبيرة لا يقدر عليها اللاعب السعودي ) واخيرا اللي ذكرتهم هم من لهم الرأي في تلك المنظومة المظلومة .


ش2 : قام المدرب باقتحام غلطته واشراك من هم يجب اشراكهم من بداية الشوط الاول
تعدل الاسلوب ولكن لم يتعدل مزاج اللاعبين وتفكيرهم وسلاسة لعب الكرة من الدفاع الى الوسط
الى الهجوم ، للأسف تسارع من اللاعبين داحل الملعب في كل شي ( كأنك ما سويت شي ) . رغم ان التبديلات سليمة .
فالخطأ من البداية تبقى آثاره مهما تصلح .


ضربة الجزاء : ضربتين في الرأس توجع يا كارينيو ( الاولى : خارستياس - الثانية : نور - الثالثة
الله واعلم ) فعلاً بعد هالضربتين اتوقع من المدرب انه يكررها ونحن من نندم .


اللاعبين : لن اقيم احد فلو طلعنا بثلاثة كانو ممتازين في الملعب فلن نستفيد شي لأن الهزيمة
ترتبط بجميع اللاعبين . فلذلك فضلا ليس امرا ( أن نلتزم الصمت ) ولا نتحدث عن جهد فلان
او علان .


اتمنى اني اكون اختصرت كل الحكي في سطور قليلة لاني اكتب لكم ورب الايمان كلي تعب ومرض
مو من المباراة لا بل من قبلها ومن هموم الحياه والضروف الصعبة اللتي توالت علي مثل صخور
الجبال الضخمة . ( الحمد لله على كل حال ) .


أتمنى في النهاية التوفيق لي ولكم وللعالمي في الاياب ، وتكفون لا احد يزعل روحه لانكم غاليين
المباراة راحت وولت .


وصلى الله على نبينا محمد وعلى آله وصحبه أجمعين .