كارينيو مدرب اعداد !!

السلام عليكم ورحمة الله وبركاته

هاردلكم على الخساره الحمدلله والشكر قدر الله وماشاء فعل
الكل منا شاف المباراه وشاف تخبط كارينيو
المدرب لعب في تشكيله بالتدريبات والفرق يختلف عن مباراه رسميه
عبدالله مادو يعني لو اي شخص مهتم بكرة القدم من الطبيعي
راح يرفض انه يشرك مادو ف المباراه بحكم صغر سنه ونقص
الخبره والمباراه جماهيريه وحساسه ومفترق طرق !

أكثر لاعب تسبب في أخطاء خلال اول نص ساعه ف المباراه
عبدالله مادو والمدرب يتفرج على اخطاءه يمكن مخه مقفل او ماعرف يقرا
المباراه او هجوم الاهلي ضيع تشتيته وتفكيره ؟!

المدرب أخطا في اخراجه واشراك الراهب وكان من الاساس اشراكه بعد
الهدف الثاني لتدارك الوضع على الاقل الضغط على دفاع الاهلي
ولكن من خلال التشكيله نشوف ان المدرب لعب ب 5 دفاع ثلاثه وسط اثنين هجوم
مع الهجمه تكون ثلاثه خمسه اثنين / ولكن مع اشراك مادو او حسين بالهجمه
وهذي من الاخطاء في مصيدة التسلل السيئه اللي مايجيدها لاعبين النصر !

كارينيو دخل المباراه بثقه عاليه وفيصل بن تركي ينزل بيان بشان الحكم والتشتيت
على اللاعبين ، وياخذ حسين ونور على جنب ويكلمهم عن المباراه بالحاله هذي
مدري هل حسين ونور هم الفريق كله ؟؟!

الاداره هي السبب في ايصال النصر للطريق هذا وكارينيو باع المباراه بخطته الفاشله؟
كان على فيصل بن تركي ابعاد اللاعبين عن التحكيم وعدم الالتفات للعمري والتركيز
على تهيئة اللاعبين نفسيا واحساسهم بمسؤولية نتيجة المباراه ..

الاداره مسكينه تشاهد نتائج كارينيو ولا يعلمون بأن كارينيو مدرب اعداد وليس بطولات
اعداد وليس بطولات؟
فهمتوا كلامي هذا !

كارينيو جامل باستوس كثيرا على حساب عبدالرحمن القحطاني او عطيف او حتى سعود حمود
لان باستوس لاعب وسط صانع لعب وليس مهاجم ثاني يا سيد كارينيو
باستوس اسواء لاعب اجنبي التجديد معه راح يتعب الخزينه الشيء الكثير
وبيكون فقاعة صابون !
السبب من كارينيو لانه ماخلاه يلعب بمكانه اللي يرتاح فيه
وبنفس الوقت باستوس مايصنع الفارق وكان خروجه بالامس ريح النصر
قبل ان يرفع ضغطنا / لان دخول خرستياس أفضل منه من وجهة نظري

حكام الخط أستفزوا لاعبين النصر كثيراً بحكم أحتساب التسلل بعد ماياخذها
المهاجم ويرفع الرايه وشفنا هوساوي معصب على الحكم مالومك والله انا نرفزني
العمري : طبعا ماقصر وهذي مو أول مباراه يقصر فيها ونعرفه ماضيه أسود مع النصر

خلاصة الموضوع / كارينيو مدرب اعداد وليس مدرب بطولات وعلى الاداره ان تفهم
الشيء هذا وتاخذه بعين الاعتبار .
ماعنده امكانيات تخليه يصعد لمنصات التتويج اخر حد عنده المركز الثاني او الثالث
اقل تقدير وشفنا الشيء هذا نهائي كاس ولي العهد والبطوله العربيه ، أتمنى من الاداره
جلب ديسلفا أو باوزا مع وجود لاعبين يحبون ويعشقون الفوز
مو لاعبين يعشقون العصبيه والنرفزه وضياع الفريق!

عبدالله مادو / ظلم كثيرا من خلال اشراكه وكان من المفروض اشراك حسين واللعب
بطريقة اربعه اربعه اثنين

باستوس / صفقه فاشله بكل المقاييس بغض النظر عن ماقدمه في كل مباراه
ولكن مايقدر يقدم مباراه كامله برتم عالي
السبب ممكن يكون فيه او بالمدرب اللي مخليه بمركز غير مركزه

أتمنى من فيصل بن تركي الاستفاده من تجاربه السابقه والنظر في تهيئة الفريق نفسياً
لان المباراه القادمه مباراة كاس حياه او موت ولابد من الفوز وياليت يترك عنه البيانات
لان النصر هو النادي الوحيد المشهور بالبيانات الفاشله اللي ضد الفريق .

اذا طلع النصر من كأس دوري خادم الحرمين الشريفين راح أضمن لكم وجود يحيى الشهري
في النصر تدرون ليه؟؟
????????????????????????????????????????

هاه لاتنسون ترى قلت لكم بعد خروج النصر بيجي يحيى الشهري مو عشانكم
ولا عشان النصر / عشااااااان أمتصاص غضب الجماهير وراح تشوفون

تحياتي