اهداء خاص للي وفقهم الله ونجحو ...

هذه الابيات اهداء بسيط للاخوان والاخوات الناجحين مع انهم ما بشرونا ولكن يستحقون الاهداء ...:

تستاهلون النجاح ومن نجاح لنجاح
دافع لمجهودكم وعزومكم ما تطيح
جيلٍ بقى يطلبون الحكمه وجيل راح
ما فيهم اللي خذل والعلم كونه فسيح
من يطلب العلم يروى من شراب القراح
ومن يطمع الجهل لا يروى ولا يستريح
هذي مطاليبكم عقب التعب والكفاح
وياراغب الكسب لا تنسى كلام النصيح
بالعلم تمشون بدروب الفخر والفلاح
هذا كلام الصراحه من لسان الصريح...





وسلامتكم ومن نجاح لنجاح وبالتوفيق ان شاء الله...