مدري افكّر بامس ولاَّ في بكره

البارحه مــرّت علــيِّ الــف فــكره = تاهت ظنوني مالقـيت التفاسير

مدري افكّر بامسِ و إلآ في.بـُـكره =ولاَّ على {الله} حلَّها و التياسير

لاشك انا روحي من الوجد سكره = تعبــان قلبي والمشاعر مكاسير

من غـــاليٍ حكرني للحب حكره = يلفّــنـــي في بكــرته لفـــة السـير

فوق البشر رفعت صيته و ذكره = وعكس اتجاه الرِّيح لو يمشي آسير

وان قال لي مشكور يكفيني شكره = ما همّني لرضاه كثر المخاسير

والحظّ يعاندني بجــوره ومَـكره = والحــال تشكي ضيــقـها و المعاسير

وان جاد مثل اللي على الجود مُكره = بالحب خصّ ايام عمري محاسير

ارجـــــــــــاك يـاربٍّ تعـــلاَّ. بذكره = أو جــــد علـــينا يا كــــريم التياسير