حنا انتبنّج من تجي العين بالعين .. محنـآ بـحآجة للمخدر صرآحه !

مـدخــلـ :

النّاس اتّهادى ورد .. وان زادت اعطـور ..//.. وحنّا انتهادى بنادول ومسكّن
غيبتكـ مبطي اتبخرها بـ ابخور ..//.. ايلين ما ضلوعي من التنكـ ضكّن !
.
.

دكتور يالله جهّز الغرفه الحين
.......................وناد استشاريين علم الجراحه
بنجيكـ انا واللي عشقته من سنين
.......................من بعدنا ماشافت العين راحه
دكتور تكفى مانبي انكون شخصين
.......................شف لكـ طريقه تختصر هالمساحه
مابي تخلي بيننا ايسار وايمين
.......................ادمج بعضنا اببعض لوهي اباحه
مالومكـ الياقلت عنا مجانين
.......................العقل راح وسمّح الله مراحه
حنا انتبنّج من تجي العين بالعين
.......................محنا بحاجة للمخدّر صراحه
دكتور لحظه .. بس تبي تبدي منين ؟
....................... ابيكـ تبدى فيّ ماقوى صياحه
ماقوى نزيف الدم من ناس غالين
.......................وماقوى على دمعه بحزة مطاحه
دكتور تكفى بس اعلمكـ بامرين
.......................ودي صباحي مايفارق صباحه
هالادمي يسوى بعيني ملايين
.......................حكمت قلبه واستطعت اكتساحه
لكن امانه تبتدي فيني الحين
.......................حاول تخيّطنا ، بسلكـ الجراحه

.
.

مـخـرجـ :

مع انكـ تبتعد عني غديت اقرب من ثيابي ...//.. واشوفكـ لو تودّعني مع انكـ ماتودّعني !