أتلى العهد فـي فـؤادي يـوم خليتـه ... وقفيـت وأعيونـي الثنتيـن يبكـنّـه

أتلى العهد فـي فـؤادي يـوم خليتـه
واقفيـت وأعيونـي الثنتيـن يبكـنّـه


شرحت وضعي على صدري وفليتـه
ولقيت صدري من الليّ صار له حنّه


أسرف بي الوجد والطـاروق شليتـه
وشعاير الصوت في صدري لها رنّـه


مستاجعٍ مـن يـدي والحـال بريتـه
والوجعـه المدميّـه ماهـي بمنكـنّـه


الله يسامـح صبـي عينـي وراعيتـه
خلانـي أبـدّل السـجّـات فالـونّـه


مايلتفـت لــوّ تعمـدتّــــــــــه ولديـتــــــــــه
الاّ على اللي تجيب الشبط .. فالكنّـه


عفريـةٍ حبّهـا الـعـذري تقهويـتــــــــــــه
وكيّفت الأحساس من هيله ومـن بنّـه


كل مادعانـي بعـال الصـوت لبيتـه
وأنقـاد مـن غيـر لافضـلٍ ولامنّـه


أجيـه واليـا وصلـتـه ماتعديـتـه
جيّـة رفيـقٍ رفيقـه مبطـيٍ عـنّـه


أسـج فـي عالــــــم أسلوبـه واتاكيتـه
وأقول من لاعشـق مثلـه ياعنكنّـه ؟

ماذاق ملح القبـال .. اللـيّ تحاليتـه
ولا أغرتـه كلمـةٍ معسولهـا جـــــــنّـه

أمشاهده .. لا أنكسر خصره ورديتـه
وميّـل بليـلٍ حريـره يعجبـك فنّــــــــــــه


ينسيك طعـم الحليـب اللـيّ تغذيتـه
وتسـج مـع عالـمٍ فالحـب منجنّــــــه


والحـب لـولا متاهـاتـه وتنهيـتــــــه
ماصوتـوّ للقلـوب وجـات مستنّـه


قلب الهواوي خضر .. والولف راعيته
ومن حبّها لـه تدكـه رفـق وأتحنّـــــــــــــــه


تصبح بشطّانـه .. وتمســــــــــي بزاويتـه
وكل عرق ينبض خطا .. مسئولةٍ عنّه


أقفـو بهـا اللـيّ شببهـم ماترجيتــــــــــه
وأسلوم الأجواد مثل الفرض والسنّـه


راحت سنه كامله لاجـا .! ولا جيتـه
وحبّه على ظنيّ .. وحبيّ على ظنّـه


أقفـى وجرحـه بقلبـي ماتشاويـتـــــــــــه
وأقفيت .. والبعد جرحٍ ماأقـدر أكنّـه


مايوجع الرجـل .. ويحـرّك تناهيتـه
الاّ ليـا مـن فقـد لـه قطعـةٍ منّــــــــه

ممـاراااق لـــــي ،،،