رحلـت عن دراك وانا خاطري فيك ... راقت لي واتمنى تروق لكم = )

مدخـل :-
ياجرحي استأذنك بنام لي ساعـه

وارجوك طالبك تكفى لاتصحّيني

●●●
لي خمسـه ايام اعيش السّمع والطّاعـه
ولك خمسـه ايام تامرني وتنهيني

السلام عليكم ورحمة الله وبركاته

..مرحبا ومسهلا ..

قصيده للشاعر \ خالد فالح الرزين ..

رحلت عن دارك وانا خاطري فيك
رحيـل حاكـم دولتـه مستحلـه

حاولت اكابر واتناسى لياليك
وجتني طيوفك زادت الطيـن بلـه

سالت دموعي فوق خدي تناديـك
عقبك ترى دنياي صـارت مملـه

شف حالتي وشلون لا حل طاريك
شفني على طاريك دمعـي اهلـه

تدري وش اللي حارقن قلب مغليك
قرب المسافه والوصل ماحصلـه

طالبك عود خلنـي بيـن اياديـك
ارجع ترى فالصدر مليـون علـه

تعبت اقول انـي مـردي بلاقيـك
واشوف حزني خيم الكـون كلـه

طاح الامل قدام عينـي واناجيـك
منهار ضايع مالي درب(ن) ادلـه

خانت بي الايام خانت خطاويـك
عقب الغـلا قلبـك تغيـر محلـه

لكن ولا يهمك بسافـر واخليـك
دام الرجا خايب وسيفـك تسلـه

أببتعد عنك وانـا خاطـري فيـك
بسوق رجلي واتوكـل علـى الله

مع السلامه بتناسى لياليـك
دام الامل ضايع وسيفـك تسلـه

مخرج :-

والمشكلـه جت عروق القلب فزّاعّـه
مايكفي انك سرقت النوم من عيني

●●●
اصبحت انا القاز وانت امسيت ولاّعـه
شبيتني يلعن اهلك وش يطفّيني

تحيّتي للجميع