كحيلان قووول وفعل

الله حبــاني بتــاج العــز واعطــاني
~~~~~~ شيخٍ كريم السجـايا بيض رايــاته
وافي الخصايل أبوتركي ومزبن العاني
~~~~~~ غيث الملاهيف مايحسب عطياته
حرٍ سليل النسب بالطيب له شــاني
~~~~~~ طويل الأشبار والطولات عــاداته
يشهد بطيبه قصيٍ الناس والداني
~~~~~~ اكرم من الديم واطيب في ملاقاته
ذكره يشرف وفعله غيث الأمزاني
~~~~~~ ويســراه تجهــل يمنه عند مــداته
فوق السحايب مقره كوكبٍ ثاني
~~~~~~ في مرقب العز اشوفه حط مركاته
مذكور بالخير عند فلان وفلاني
~~~~~~ ماهــو مــن اللي يعـدونـه بسيــاتـه
اللي على الجود عودني ووصاني
~~~~~~ واليوم اعطر خصالي من وصيـاته
انا عضيده على تكشير الأزماني
~~~~~~ وانـا حفيده وفعلي رهـــن شـاراتــه
وانا فدى نظرته لو هز الأعياني
~~~~~~اضيق من ضيقته وارضى بمرضاته
يالله انـــا طالــبك ياعــالي الشــانــي
~~~~~~ تديــم عـــزه وتحفظ كــل خـطــواتــه
وتمد عمره على الطاعه والإحساني
~~~~~~ وتجـزل ثوابـه وتغفــر لـه خطيــاتــه