حـــاولت اكتم عبرتي يوم فرقــــاه

حـــاولت اكتم عبرتي يوم فرقــــاه



حاولت أنا اكتم عبرتي يوم فرقاه
وألملـــــم جـــــــروح الــــزمان الطعينه







واعطيه من قلب المعنى معاناه
وآخذ من جـــــروحه ولــــــــو هي دفينه







وأضيع به في زحمة الناس وأنساه
وأنســـــى معه ذكــــــــرى السنين وحنينه







لقيت نفسي كـــــــل ما حل طرياه
عــــــــروق قلبـــــي كلها تقـــول وينـــــه







يــــــــامر على قلبي ولا شك ينهاه
كلـــي أنــــــــا تحت الإشــــــــاره رهينــه







ما كـــــــل من يضحك سعيد بدنيــاه
ومـــــــا كل من يبكي دمــــوعه حــــزينه






أحدن بكى والكل يدري عن بكاه
وحدن مع الضحـــــكه تحس بـــــــــونينه







ياشين فرقى الحب ويــــاشين بلواه
والمشكله دنيــــــــا بــــــــــلا حب شينــه







والزين ما يكمل ولو كــــان محلاه
إلا حبيبي مــــــــــا تغيــر بــــــــزينـــــه







ماجيت أسولف عن حــــلاه ومزاياه
يكفي أحــــــــاسيسي وقلبي عــــــــارفينه







كن الفضا في غيبته ضـــاق مسعاه
وكني غــــــــريق ٍ ينتظــر لــــــــه سفينه







شف دنيتي ياصاحبي عقب فرقاه
مثل الظــــــــلام اللـي حصـــــل بالمدينه







بكتبه أنـــــا في صفحة الشعر واقراه
وبــــــــاذبحه بزود الغــــــــلا دون سكينه







وبارسمه في لـــــوحة الشعر وانعاه
وبـــــــادفنه بين الضلـــــوع الحنينـــــــــه








بوسط الحشـــا في داخل الصدر مثواه
إمـــــــــا يســـــــــــار القلب وإلا يمينـــــه