بعد الاحباب

السلام عليكم ورحمة الله وبركاته

صباح-مساء الخير ياعالميين وعالميات هذي مشاركه بسيطه مع كامل امنياتي ان تحوز على رضا وقبول الجمييع اترككم مع المتواضعه تجاه ما تقدمون من ابداعات:

قال اللذي من شدة الوقت ذا شاب=عاده صغير وبان بالراس شيبه
ما شاب راسه كون من بعد الاحباب=انا اشهد إن بعد الحبايب مصيبه
ولا هو بداري وش بلا صاحبه غاب=غايب يحسب ان غيبته اي غيبه
ما يدري انه عقب غيبته ما تاب=القلب من فرقا غلاه وصحيبه
اثره على ما قال من قبل كتاب=وهذا المثل ما فيه شكٍ وريبه
اللي لقا احبابه نسا وصل الاصحاب=ولجل الحبيب يسج حتى قريبه
وانا ترى من بعد فرقاه مرتاب=مثل حبيبٍ ذاق فرقا حبيبه
كانه نوا بعد البطا قرب وإياب=فانا على طيب الامل دون خيبه
وكانه نوا الفرقا فلا ظنتي خاب=ظني ولا قصدي فرح بالذهيبه
انا حزين وبعد للصبر طلاب=فرقاه شينه بس هذي غصيبه
ومن قال يعشق بعد الاحباب كذاب=كذاب ما جا بالعلوم الصويبه
اقولها والقلب صامل ولاتاب=حزين ومفارق حبيبه صعيبه
هذي هموم تصاحب فراق الاحباب=يقوله اللي ذاق فرقا حبيبه.

.......وسلامتكم.........