ســــنيـــــن عـــمـــرك

تستقبل بعمرك سنه
واودع بعمري سنين وتقول لي ليش النكاده
ليش انت هاليله حزين واقول بدموع الكلام
هالعام ما مر بسلام هالعام سهرني ونام
شابت ذوايب فرحتي وبشفتي دفنت انا وجه الفرح
لي من كثر همي انجرح من بعد ماعني رحل
خذ من حياتي كل شي حتى البكاء والابتسام
ياصاحبي
هو اي عام اقبل وغادر اي عام كيف احتفل وياك بالعام الجديد
ومامن جديد الاالحزن كل عام في عمري يزيد
والهم هو ضيفي الوحيد الي من الالي يقول هل من مزيد
ياصاحبي
كيف احتفل وياك واودع سنه
عمرك سمعت بواحد ودع يوم واحتفل عمرك سمعت بواحد يضحك اذا عمره رحل
ياصاحبي
تعال لي ببكي معك على الشباب الي يفوت
والعمر الي فينا يموت ان كنت ناوي تحتفل
بمرور ......او بقدوم عام من (روزمانه ) عمرنا
طاحت سنه يعني الخريف يعني الصفار يعني السنين بعمرنا
صارت تهيف وين الربيع الي نعيشه من سنين
ليش لطفولتنا نسافر بالحنين
ياصاحبي
من روزمانة عمرنا تتساقط ايام وشهور
من عمرنا تاخذ بطاقات المرور الى القبور
ياصاحبي
هذا احتفالي والسلام لاتحتفل مثلي اذا ودعت عام
ولا تفرح ان قابلت عام روح احتفل بالدمع في عينك ونام بس ادعي ربك يجعله يمر في عمرنا السلام