وش أجمل من هدوء الليل وسكاته ..؟

عبق أوّل :



إذكــر هــوانا .. لا زاد الوقت تكشيـرك ..
وخشّه بـ قلبك وإذا جــالك مجال .. إحكـه ..!



طريت في بالـي المشغـول .. مع غـيـــرك ..
وأظحكت سنّي .. وأنا مشتاق لـ الظحكه ..!

على الروض الندي .. ترنيمة الأحباب ..


وعلى الرمضاء دموع الحب .. وآهاته ..!


تعالي يا حياتي .. للنداء أسباب


محبّك .. ماله الا إبتساماته ..!


يحلّي وجهك الأبيض سواد أهداب


ولا أبغي من حلاه الا تلفّاته ..!


علامات الجمال فجسمك الجذّاب ..


ولا أبغي من علاماته سوا حتاته ..!


نبي نسهر نسولف ليلنا بإسهاب ..


وش أجمل من هدوء الليل وسكاته ..؟


تبين أعشقْك ولا أبادلك الاعجاب ..؟


تبين بحكيْ .. ولا بشعر وأبياته ..؟


حبيبٍ قبل عِرفك .. والزمن غلّاب ..


نمى مجروح .. وقطار الهوى فاته ..!


على أرض الحزن ( إنسان ) شبّ وشاب ..!


ولا يمشي على الواقع .. بمشهاته ..!


يطيّر أمنياته في الحياه أسراب ..


ولا ترجع بكلّ الخبز وفتاته ..!


تسيّس به قناعه .. والقناعه ناب


ماكلّ إنسان لا سال أمنيه جاته ..!


لا يشغلْك الكلام وخاطرك يرتاب ..


تعالي والبشر .. عذّال شمّاته ..!


أنا وأنتي نكون فهالحياه ( أغراب )


على الليل الثقيل .. وإنتهاكاته ..!


بدون أسباب .. نفتح أغلب الأبواب


ونعيش الحبّ .. في أوجّ حالاته ..!

عبق أخير :



جتني .. وأنا من واقـع أيامي جريــح ..
وراحت وأنا بالمختصـر .. ( زعلتهــا ) ..!



أبكي ندم .. وأعابل جروحي .. وأصيح :
( فرصة عمر ) يوم إسنحت ضيعتها ..!