نبقى معا...؟

الا ياوجودي كلما شفت زول الزين=وجود اللذي من هول ما به بكت عينه
وجود اللذي وده يشوف اقرب الغالين=ولا شافه الا عقب ما تم تكفينه
على اللي هجرني وابتلاني الزمان الشين=وانا كنت ما اشوف الزمن شينه وزينه
هجرني وخلاني على العسر عقب اللين=وانا كنت ما احسب عسر ذا الوقت من لينه
ولكن عقب ما حط بيته بوسط العين=وغدا القلب كنه قطعتن من بساتينه
تغير نمط عمري فلاني من السالين=ولاني من اللي فالمجالس لهم بينه
افكر طوال الليل والفجر لي يبين=وإلى بان نور الفجر قلت الظبي وينه
واواصل ببحثي واشغل الفكر فيه إلين=أوصًل حدود الياس والحاله الشينه
واحط الندم واصابعه بين ذا الفكين=وأعظًه إلين يقال له يالله تعينه
هذه حياتي لا تذكرت زول الزين=بعد طولت الغيبه بعد كثًرت وينه
ولا لي سوا ادعي خالقي يالمعين تعين=على ذا الزمان وشدته زينه وشينه
وعساني اراقب في حياتي اصول الدين=ما دام إن كل إنسان ما له سوا دينه
وعسى الله يجمعنا على الدوم بالغالين=ويبعد سفير الحقد هو وشياطينه
ونبقى معا ما دام حنا من الحيين=إلين الوفاه وكلن يتم تكفينه...

وسلامتكم..