الخنجر اللي بالظهرلا صار من كف الصديق // تبطي وهي تنزف وتبطي ما لقيت علاجها..

.

.

ياقلب هذي سيرة الدنيا من البعـد السحيـق
و النفس لاضاقت على رب البـرا مخراجهـا

ياطير ياللي فالهـوا تمـد جنحانـك طليـق
خذني معك وابعد بنا فأرض الخلا وفجاجهـا

أنا تحمّلت وصبرت وفالحشا جرحـاً عميـق
والعين قدلـي مـدةٍ نـوم الهنـا ماساجهـا

سئمت حتى صارت الدنيا على نفسي تضيـق
وان كبرضيق النفس عند الله كبيـر أفراجهـا

ياللي تلوم النفس لاونّك على صدري تويـق
عرفت ويش اللي طنا نفسـي وزاد أزعاجهـا

غديت في دنيا التعاسة والشقا مثـل الغريـق
اللي وقع في غبّة تصفـق عليـه امواجهـا

واليا بغيت أعبر معا دربي وشقيـت الطريق
لقيت لي ناسٍ علـى دربـي تمـد سياجهـا

وعجزت في ذا الوقت لا ميّز فريقٍ عن فريـق
الوقت نفس الوقت والناس اختلف منهاجهـا

والخنجر اللي بالظهر لاصار من كف الصديق
تبطي وهي تنزف وتبطي ما لقيـت علاجهـا

وتهون لامن جات من الاعدا ولاهي من رفيق
وان جات من لصحاب يصعب حلها وادراجها

وتحسها أثقل من جبل يذبل ومن هضبة طويق
وتشب نـارٍ فالحشـا مـا ينطفـي وهّاجهـا

مما رآآآآق لـــي,,,