هدية الاربعاء...

البارحـه عينـي جفـا النـوم موقهـا=تسبـر سنـا بـرق رفيفـه يشوقـهـا
جعلـه مـن المنشـى ينثّـر مخايـلـه=مـن مزنـةٍ غـرا تكاشـف بروقـهـا
لامرهـا العسـاس مـن غـب سيلهـا=عيّـن خباريـهـا ووكــد حقوقـهـا
مدهـال ذود ماتقـرع مــن الطـنـف=لاقرعـت بعـض الرياجـيـل نوقـهـا
البـل تبـي رجـل عـزومـه قـويـه=ولاإنتـوت عـن دربـهـا مايعوقـهـا
لايسمـع العـاذل ولايسـمـع الــردي=رعايـة الربلـه لايبـسـت عروقـهـا
يـامـا رعيـنـا مشـبـر مارعـوبـه=اهــل الغنـيـم اللي تـدقـق اربـوقـهـا
مافيـه ياكـود الشـقـاري وخلطـهـا=وفيه الخزامـي اللـي طـوال عنوقهـا
ترعابـه العـري ويبـنـي شحمهـا=عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا=والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت=وغسلـت شمايلهـا ورفيـت شقوقهـا
هـذي تغـرز مـن غـلاهـا وقـدرهـا=وهـذي يـقـدم للنشـامـا غبوقـهـا
واليا اصبحت تسرح على الر وض الادني=اليا اشرقـت الشمـس بـاول شروقهـا
لاهبـك النسـنـاس تشفـيـك خنـتـه=ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه=يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا=عـودا يقـلـط للنشـامـي حقوقـهـا
لايجـرح العانـي ولايزعـل الـخـوي=وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده=واللـي يــدور للـمـراره يذوقـهـا
ومن لايحـوش المرجلـه فـي شبابـه=واليا انتحـت صعـب وعسـر لحوقهـا
وختامهـا منـي صـلاه علـي النبـي=عـداد ماتنـشـي وتـبـرق بروقـهـا

مما راق لي...