كثر المواصل

كثر المواصل فالهوا ما هو بزين=ودك بخلك بين مده ومده
لان البنادم ما ترك طبعه الشين=لا حب له شي وشبع منه هده
لكن لا منه جاك من حين لا حين=قدّرت جياته وقدّرت صده
فإن قلت ابيك وقال ما هو بذ الحين=لا تبلشه يمكن ظروفه تحده
اصبر عليه ايام وشهور وسنين=إن كانه يودّك وكانك توده
وخلك لا منه اعطاك ما تطلبه دين=ما جاك منه اخذه وما رد رده
ولا تسوي مثل ناسن مساكين=اصلك وفصلك فالهوا لا تعده
الحب ما خلا قبيله ولا دين=نكّس حكوماتٍ وكسّر أشده
جاووه عقالٍ وراحو مجانيين=وكم واحدٍ خاضه ولاهو بقده
يقوله اللي جاحدٍ علته لين=سم الهوا حاله وبيّح بسده
هذا كلامي وانت بتشوف بعدين=والله إن تميّز بين مزحه وجده

منقول من درر آل علوش...