مهم وضروري وعاجل للجميع .

بسم الله الرحمن الرحيم ..
كُل عام والجميع بخير للمره المليون والله يعيده
علينا وعليكم دايم وابد بسعاده وسرور .

( ابي الكل يقرأ الموضوع كاملا )




هالمره
اسمحو لي اخواني اتكلم معكم عن شي
شاهدته , هو كثره شكاوي البعض عن نقل المواضيع مثلا او حذفها او من هالامور .. وانا ابين للجميع ان المجال مفتوح للجميع بكتابه مايشاء لكن بشرط انه يخص النصر بس . واقول ان اي موضوع مايخص النصر بينقل للمكان المناسب , هذا اللي نسويه احنا . فمثلا لو احد نزل مووضوع عن سلامه الملك عبدالله ونقلناه للقسم العام لايزعل لان الملك عبدالله ماله علاقه , بهذا القسم , ولما تنقل موضوع يزعل ليش وليش وليش ؟


الشي الثاني
انا اتكلم معكم عن شي بعد شفته ومن زمان اشوفه , هو نقل المواضيع بكثره , فأي خبر يكتب بموضوع , ويفرد له موضوع لما يدخل الواحد يشوف 80 % من المواضيع كلها اخبار من صحف . يعني اتوقع هالشي يضر في القسم النصراوي كثير , فاتمنى اننا نكتفي باخبار الصحف بس . لهذا اقول للجميع اي خبر من صحيفه سوف يدمج مع اخبار الصحف تلقائيا .. ولا احد يزعل من هالشي . فالمنتدى وجد لابداعكم انتم وليس لنقل ابداع الاخرين .


والشي الثالث
كثره نقل المقالات من جميع الاطياف . فهذا ينقل من منتدى والثاني ينقل من صحيفه , يعني صار الوضع ملخبط والكل ينقل من جهه , واصبح منتدنا يهتم بالمنقول اكثر من صناعه نفسه بنفسه , وهالشي يعيق تقدمنا كثير . وكثير مره .. انا ماقول ممنوع المنقول . لكن ودنا نخفف منه الى ان نستغني عنه ان شاءالله بالفتره القادمه , يعني الواحد ينقل افضل افضل شي ولا يكثر بعد 1 او 2 في اليوم وكفايه , لان الوضع مثل مانتم تشوفون اصبح ممل جدا ..


انا اتكلم مع الجميع
وش اللي ينقصنا احنا طيب ؟ ليش مانكتب احنا ؟ وليش مانتفاعل مع بعض ؟ وليش مانشارك مع بعض ؟ هذا يجيب فكره والثاني يكتب موضوع والثالث يشارك معهم ؟ وفلان يقترح . والاخر يطبق الاقتراح .. ونكون احنا اصل الابداع . واحنا اللي ننشر الابداع في كل مكان , وبدل ماننقل من المنتديات والاماكن الثانيه , هم ينقلون منا وينشرونها في المنتديات .. كلنا نقدر نكتب , وكلنا نقدر نجيب افكار , واحنا افضل من غيرنا بمليون مره . بس المشكله تعودنا اننا ننقل مواضيع . وننقل افكار الاخرين , ماحاولنا لمجرد المحاوله اننا نفكر احنا ونكتب احنا ونتفاعل ونشارك بكل شي ..


كلامي هذا
مو لأني مشرف وبطبق قوانين وانها قوانين
لا هو كلام لنا كلنا , نبي ننسى شي اسمه نقل . نبي نخلق الابداع احنا . ونبي الكل يتفاعل مع كل شي . نبي القسم النصراوي يكون مساهم مع النصر بافكارنا احنا مو افكار غيرنا . احنا قادرين اننا نوصل للمراتب الاولى . بشرط ان يكون الجميع هنا عنده الرغبه والاصرار . ويعطينا من ابداعه . في النهايه احنا مثل بعض كلنا , لكن في احد اعطى نفسه المجال انه يكتب ووصل .. وفيه ناس لا للحين ماخذو الفرصه .. هنا نداء للجميع .. نداء لكل من يريد ان يصل معنا للعلا .. لنبدأ من اليوم .. ومن هذه اللحظه . نبتعد عن المنقول . وعن شكرا . وعن مشكور . نبدأ بافكارنا وتفاعلنا , ونناقش . وتكلم ونحاور . وكل شي نفعله ..

لاحد يخاف من شي
كلنا معه , وكلنا بنساعده , وكلنا بنوقف معه .
يفشل مره مصيره ينجح في الجاي ..


نتقبل كل شي
منكم , اقتراح , فكره , نساعد الجميع
بكل شي نستطيع , ونقف مع الجميع , اداره ومراقبين ومشرفين كلهم يقفون معكم .. ولاني مهتم بالصوت النصراوي اقول للجميع اتقبل كل كل شي منكم , وساقف مع الجميع وادعم الجميع بكل شي استطيع ان افعله , سواء استشاره لموضوع , او لفكره , او اقتراح , لاحد يتتردد الخاص مفتوح , وايميلي موجود ..


الان كتبت الموضوع
من يرد على هذا الموضوع ( اتمنى ان يرد بأنه على استعداد ) بتطبيق ماجاء فيه من اول رد
له هنا ..


هذه ليست قوانين
انما خطاب لأجل الرقي والوصول للقمه !