العمر يفنـى والحيـاة أحـلام والدنيـا متـاع

العمر يفنـى والحيـاة أحـلام والدنيـا متـاع

يا كمّ نفـسٍ روّحـت مـا حقّقـت مطلوبهـا

يا منخدع في ضحكة الدنيا ترى الضحكة خـداع

لا تأمن الدنيا ولو تضحـك لـك مْـع جنوبهـا

إن ما تغانمت المراجل قبـل ساعـات الـوداع

بَعَد وفاتك ماهي بصوبـك ولا انـت بصوبهـا

والمرجلة ماهيـب سلعـة تنشـرى والاّ تبـاع

كم ناسٍ يقومون ويطيحون مـا فرْحـوا بهـا

اللي مولّع بالضياع يـروح لـدروب الضيـاع

واللـي مولّـع بالمراجـل مـا يغـرّ دروبهـا

والغيب ما يُعلم لكـنّ العقـل سِيـد الإختـراع

ليا اشتغل عقلك عرفت الناس وش ف"قلوبهـا"

وإن كان ما انته مستفيد من الدّماغ الاّ الصّداع

ما غير حـظ الصّيدليّـة مـا تبـور حبوبهـا

لا صرت ما تتعب على ( والنِّعم ) قدر المستطاع

صدّت ولفّت لك ظهَرهـا واعْطَتِـك عرقوبهـا

وليا تملّكْت الكـرم والحكمـة وطـول الـذراع

لا تشغلك نفسـك تـراك اعطيتهـا ماجوبهـا

والواحد اللي لا كريـم ولا حكيـم ولا شجـاع

مفروض يعطي ثوبه الحرمـة ويلبـس ثوبهـا..

ممــــــــاراق لي..