الى كل شخص ناجح...؟

الشعر يالربع تعبير عن ما فالصدور=والصدور الشعر دوره يبين شعورها
والدنيه ضد الانسان ما تاقف تدور=والليالي جعل ربي يكفّي جورها
يا أخي الناجح اذا صار في صدرك غرور=وما يهمك ضايق الناس من مسرورها
ثق ثقه تامه بأن الفشل سجّل حضور=في صدور لناس مبطي دخل صدورها
خل في صدرك تواضع وتسمع كل شور=ولا تحقّر شور ناسٍ عطت لك شورها
التواضع يصدق الشخص لا يمكن يدور=والتكبر شعلة العز يطفي نورها
وخل عينك دايما ما تخيل الا القصور=ولا تهنّا لين تاصل عوالي دوورها
ولا تملّك حاجه بعين خلق الله قصور=لو غدت منها عيونك يبين سرورها
البس اللي يعجب الناس واكل اللي يدور=وسط نفسك لو بمره كسا حنجورها
ذي نصيحه والنصايح عساها ما تبور=في زمانٍ عند ذا الناس يكثر بورها
اكتب بموضوع ما هو بحبٍ للظهور=بس شفت ان النجاحات هدوا سورها