كـــل عــام وانــتـــم بــخــيــيــيــر....(إهداء بطريقه جديده)

بمناسبة 1/1/1432 اهدي اليكم هذا الاهداء البسيط واتمنى ان يرقى الى مقاماتكم وارجو اخذ اول حرف من البيت (1) الى البيت (14) فكره جديده واتمنى ان تحوز على رضاكم...
يقول:

كل عام وانت بخير بالتكرير=قيلت وهذا اليوم بزياده
للناس فكر ولي انا تفكير=ويلزمني للتفكيري إفراده
على الطريق الصعب زين السير=لانك تسير بعزم إراده
القصد بشعر والشعر تعبير=عن فرحتي والناس قصاده
ما هو تكبر بس شعري غير=انت انتبه وتعرف وش زاده
وتشوفني وردت جم البير=لو كان فيه الداب حداده
السن بسمومٍ سواة الكير=توّرد اللي حي لالحاده
نويت لي فكره لها تصوير=جديد من ذا العصر وجداده
تمعن اللي قلته بتكرير=وتقرا هجوس الراس وفواده
متعمد ابنيها بفكره غير=والعين صوب الزين لداده
بإعادتك له تفهم التبرير=إن الشعر تفكير وإجاده
خليت نوم الليل لجل اصير=بالفكر هذا صاحب رياده
يالله وفقني لفعل الخير=أعِنّي ما دام الناس نقاده
رتبتها من دون طبل وزير=الليل هادي والسهر عاده
وعن إذن ابن علوش والتصوير=ذا له وانا بعمل له إعاده
كل عام وانت وانا بخير=وكل عام وانا احبك زياده
اقوله لكل شخص له تقدير=ياسيدات القوم يا ساده
وانا بعد في خاطري تغيير=فالفكره والافكار ولّاده
ما هو فقط تغيير بل تطوير=وعساي احصل منكم إشاده
(كل عام وانتو بخير ياهل الخير=وكل عام وانا اهواكم زياده)
والعذر مني لو حصل تقصير=وتستاهلون إذا به زياده

وسلامة الجمييع
ولو جمعتها من (1) الى (14) تصبح
(ك ل ع ا م و ا ن ت م ب خ ي ر)
وجعله عليكم مسره إن شاء الله...