هدية الاربعاء....

الله من قلب بدت فيه الآنـــــواع
تاخذ به آفكاره هجوس وتناويــع

دويــــت بافكار كبيرات ووساع
وآشــوف كل رواية جالها ريــع

مير ان راعي كلمة الصدق بتاع
أهل الصداقه للتــحدي مفاريـــع

الصدق له مع سايد الحق مطلاع
والكذب له مع غير يمه مطاليــع

كم واحد مغريه رآيه ولو ضاع
في خاطره عنده لمن ضاع تسنيع

وكم واحد للي يشيرون مطــواع
للـــي عطاه الرآي ممنون ومطيع

قلبه ليا شاروا هل العــرف سماع
آخـذ مـن الآريـا ثمـرها بلا بيــــع

وكثر التجارب درس والدرس نفاع
فيها لذربيـــن الرجــاجيــل ترفيــــع

إحرص على ربعة شريفين الآطباع
لوهم مــن الأجنــاب فيهم منافيــــع

كم نازح يشرى والأقراب تنبـــــاع
بيعة رجـــا ماهــيب بيعــة تقاطيــع

لاتستوي بالغيض صارم وجـــــزاع
على رفيــــــــــق شفت منه التواجيع

لاعاش من دايم على الربــــــع فزاع
ومقطــــعن جــيبــــــه يدين الفراريع

وان طعت راي اللي درس كل الآوضاع
الميز هـــو مصراع كــــل المصـــاريع

رجـــــل بلا ميز ولــــو طــــال له باع
يضًيع افعــــاله مــن الجهـــــل تضييع

واحذر تصير لمن وثق فيك خــــــداع
ترى آقشــــر الحالات حـــال الخداديع

الخـــــدع لــــو راعيه بالزود طماع
تراه مثل زراعــــة مالــــــــها ريـــع

من طاب لك بالمد قـــدم له الصــــاع
ولاتفتخر كانك تعرف المــــواضيـــــع

تراك لـــو طيبك ورى طيبـــــه آتباع
الطــــيب للأول بكــــل المشـــــــاريع
مما راق لي...