هدية الاربعاء....هالمره غييير...

شف وش طموحك وانت وش تبغي تصير=واتعب على الصعبه وروض قساها
قبلك سعت روسٍ فنت للدنانير=وراحت وخلت مالها من وراها
العمر بير وماه في جمة البير=وما كل بيرٍ يروي الكبد ماها
الفقر قصّر في عزوم المناعير=والمال ما يغني خشومٍ تباها
ياما فقيرٍ لا وقف سالم الزير=وياما غنيٍ وقفته لعنباها
كلمة نعم يبغى لها واحدٍ غير=من لا وقف للناس وقّف حكاها
انت ونصيبك والتعب والمشاوير=إن صبت ولا يحسن الله عزاها
لا تطقّ من جور المقادير وتطير=الاقدار تاتي طيورها في سماها
الى قدك (طيّب ومرتاح وبخير)=ريّح ترى غيرك تعب ما لقاها...

مما راق لي...