ياحسآفــه استقبــآلنآ له .. نصراوي عتيبه :(

مدخـل :
جننهم النصر لين اعمآ بصايرهم
واصبح لهم هاجس ً ماينسلم شرّه
الكل حاقد من / اكبرهم ليا اصغرهم
ونفوسهم من " قدوم النصر " محتره "

ياحسسسآفه حضورنا له بسس ،
بعد مقلب حسن ربيع جانا هذا مقلب ثاني
[ عوير و صوير واللي مافيه خير ]
اجل هذا هداف العالم ههههههههههههههه سلملي عليه ماقدر يسحب بهوساوي ولا بالمولد !!




^
لاتستغرب ياعزيزي المتاااابع
هذا ماستسمعه من بعض جمهورنا العزيز بعد اول هفوه من هفوات المطووووع ،،
مايعرفون ان المطوووع لاعب نجم وخبره واكثر لاعب عربي او بممعنى اصح خليجي
كنت اطالب بجلب احدى هالاسماء
( المطوع + اسماعيل مطر + يونس محمود + عماد الحوسني )
الحوسني طار بالاهلي
لكن جبنا المطوووع وهو خير من يمثلنآ
،
لاعب خبرررررررره وحطو خطين تحت خبررررره !
الخبره اللي مايقدّرهآ البعض
الخبره اللي تخلي اللاعب يدخل مباراه ديربي او نهائي وكانه يلعب في صاله مغلقه لايوجد بها جماهير
ولايتاثر بالاعلام او اصوات الجماهير لانه واثق باذن الله من اسعاد انصاره وقهر عذاله !!
الخبره اللي خلت ابو عمر نجمنا الاول وروح الفريق وان الفريق لايخسر بسهوله وابو عمر فيه
فلا حارثي ولاسهلاوي ولادوخي يحملون الكبتنيه في حضور الذهبي ابوعمر !!
..
يجيك الواحد متكي في المدرج النصراوي ومسوي انا اللي فاهم يشوف هفوه من بدر المطوع
يقول لا لا هذا داج ،، ياشيخ من تحركاته فاشل ،، ياعيني يا النظره المستقبليه !!
امممممممم ابي اعرف بسس كييف يفكر بعض جمهورنا وكيف مفهوم الكوره في راسسه ،
يعني نجييييب لهم كريستيانو رونالدو لا لا لو فيه خير نفع الريال !!
نجيب ميسّي لا لا ذاك اناني وصاير متكبر ولاراح يخدم النصر !!
وش رايكم نشطططب على النادي اصررف ؟؟
يانااااس ابي اعرررف بعض جمهورنا وش يعجبه ؟؟
جبنا حسين قالو شايب ،
جبنا القحطاني قالو بارد ،
جبنا السهلاوي قالو ناعم ،
جبنا الدوخي قالو ثقيل
يعني وش نجيب لكم ؟؟



مشششكلتنا نقارن النصر بأي نادي في التعاقدات ونجلعهم مثال لنا والغريب ان النصر مثال لهم ،

تبغون تعرفون كيف ؟؟

النصر جاب برازيلي راحو جابو برازيلي

النصر جابو مصري راحو جابو مصري
النصر جاب السهلاوي > يدورون اي لاعب غالي عشان يجيبونه واكبر دليل الشهراني ،،
ياناااااااس فريقنا افضل فريق " شاب "
راضي - عنزي - قرني - عباس - غالب - سعود حمود - ريان - سهلاوي - العازمي - الزيلعي
...
فريق كااااااااامل صغار بالسن كبار بالموهبه !!
اتحداكم تجيبون لي نادي حاليا يملك مثل هالاسماء الصغيره بالسن والكبيره بالعطاء !
ماتحصلووون ابد !!
هذا يدل ان الاداره مخططه للمستقبل ماخططت لموسم او موسمين
لو ادراتنا تفكيرها موسم موسمين ماجددت مع اللاعبين الصغار ولاجلبت اسماء محليه كبير
حسين - دوخي - سهلاوي - قحطاني
اتحدا اي رئيس نادي يجلب اسماء محليه ثقيله مثل هالرباعي في خلال سنتين ؟؟؟
ماسواها الا اكحل العين ،
اكحل العين اللي خلا النصر يتاهل لاسيا بعد غياب 10 سنوات بعد اذن الله !
اكحل العين اللي وقف في وجه كل من يحارب النصر ولم يتخاذل عن الدفاع عن عشقه في جميع الصحف والقنوات
وكأنه يقول : العالمي عائد لامحاله !!
..
ليييش كل هالزعل من البعض وان كحيلان مايدفع من جيبه والاتصالات هي اللي تدفع ...إلخ
تقنعوني فلوس الاتصالاات جابت السهلاوي وحسين وفيقاروا وبيتري ورازفان وزينجا وتجديد عقود اللاعبين وتسديد مستلزمات النادي
كلها من الاتصالات ؟؟
لايكون معطينا الاتصالات 3 مليار وانا مادري ؟؟؟

كحيلان يشن عليه هجوم من اعلام ومنتديات جماهير معرووفه لم تنتمي له وحنا بدل من الوقوف مع سموّه
نتأثر بكلامهم وننسى كل ماسواه كحيلان !
نسيتو من سوى اعتزال لـ اسطوره العرب ماجد عبدالله !!
جميع من مر على رئاسه النصر ( باستثناء الرمز رحمه الله ) لم يتجرأ على عمل حفل اعتزال لماجد بقدر ماتجرأ ابوتركي
وعمل حفل اعتزال كان حديييييييث العرب والاوربيين !!
//
ياناس ياعاالم فريقنا بخيير ويمشي لـ الطريق السليم لكن وقفتكم هي مطلب كحيلان
نبي نغطي مدرج الشمس في مباراه القادسسسيه ونصفع كل حاقد على نصرنا وكل مزوّر للحقائق
فالحقد اعمى عيونهم عن قول الحقيقه حتى وصل بهم الى " الكذب في اعلان عدد الحضور الجماهيري بارقام مُخجله " !!
مانبي احصائياتهم ولانبي شهادتهم
شهآده العييين تكفي !!
الشهآده اذا دخل اللاعب النصراوي وشاف الجمهور مغطّي المدرررج هذه هي الشهاده
وش بيفيدونا الاعلام والا المزورين اذا قالو جمهور النصر كثيير !!
مايفيدونا بشششي
لكن انك تزرع الشهاده والثقه في نفوس لاعبيييك هذا هو المكسسسب الحقيقي لنا ،،
..
عاجل
بالنسبه لـ التشكيله :-
سعد وريان اساسيان
لا لا
ريان والسهلاوي اساسيان
لا لا
المطوع والحارثي اساسيان
؟؟
وطبببل يامطبببل !!
كل شخص يحب لاعب يطالب بتواجده اساسي ويهممش مصلحه النصر !!
وش نسممميهم ذولي ؟؟
انا لو الود ودي والله الذي لا اله الا هو ما اشوف النصر الا والحارثي اساسي وكابتن ،
لكن العاطفه شي والواقع شي ثاني
..
الجاااااااااد بيثبـّت اسمه بالتشكيله وبنحطه فوووق روسنآ ،
والمتخاذل الدكه بانتظآره ولن نتحسف على ذلـك ،،
//
صمت كحيلان
كحييييييلان اذكى من ماتتصوروه يا اعزائي ،
عندما انتهت مباراتنا مع التعاون وقامو ضعفاء النفوس بالاصطياد في الماء العكر ومحاوله ازاحه كحيلان عن منصبه
لانه اخذ الكميرا من العسكري بالقوه ،
لم يخرج كحيلان ويستنكر ويفعل ويقول ،
بل تصرف بحكمه ،
اولا : اعتذر للعسكري ..
ثانيا : اتى بقضيه المنشطات فلا نعلم هي صحيحه ام لا ولكن اراد اشغال الاعلام عن النصر
وخلاهم يتوجهون لـ موضوع المنشطات ونسو النصر ومشاكله ...
مثل ما اشغل بن مساعد الهلاليين بالاستقاله بعد خروجهم من الاسيويه تحت شعار قادمون يا اسيا !!
..
اتمنى ماثققلت عليكم يالغالين وصدقوني ماتكلمت الا من واقع عشته خلال هاليومين ولمسته من البعض
[ الله يهديهم ٍ]
..
القاكم

" بتال القوس على غفله "

مخرج : .................

مهمآ يسوون لازم صدق نعذرهم
عيونهم من سهرهم حيل محمرّه
ياللي تناظر شموخ النصر ، ناظرهم

لله در الشموخ ونصرنآ درّه

وليـد المقـآطي