محجوب ياعيني محجوب وردد ياصبر أيوب

بسم الله الرحمن الرحيم

السلام عليكم ورحمة الله وبركاته

مشتاق قلت بروح أشوف حبايبي أعضاء منتديات جماهير الوفاء

اخذت اللابتوب وعلى طول على الرابط اوووووف وش ذا الا ومدرعات

وعالم ماسكين أسلحة قلت في نفسي وين رحت محارب لاتكون طبيت على

ليبيا لا وين هذا منتدى جماهير الوفاء انا متأكدعاد تراني ابالغ شوي أبيكم

تفزعون معي المهم ماقدرت ادخل قلت يمكن فيه حاجة غلط مافيه فايدة ارسلت

ياناس فهموني وش خطأي محد عطاني وجه يمكن مشغولين واحد يضبط العلاقة

معهم المهم من جد ضاق صدري حتى فرحتي اللي بشاركم فيها يوم تعادل النصر

في بداية مشواره الأسيوي انحرمت منها وانحرمت من اخواني شاركوني مواضيعي

وشاركتهم مواضيعهم اختلفت معهم وختلفوا معي لاكن الود بينا موجود عاد انا رحت

حقوق الأنسان واشتكيت قالوا وش اسمك قلت نصراوي ردوا علي لحووول عندنا

ملفات عن ظلم النصر قلت طيب انا مظلوم وش اسوي قالوا ردد ماطولك ياليل

قلت في نفسي منتدى الكلوب وعرفنا السبب لاني ماحب أكل البوفيات أحب أكل البيت

كيفي بس ذولا وش سويت انا نصراوي مووووووت وغيري كثير وش فيها اذا انتقدنا

نصرررنا تحملناه أكيد هو بيتحملنا ويقبل منا عتااااب المحب الغيووور على ناديه

فيه حاجة ياخواني تاكل وتشرب معي عجزت ابلعها شربت مويه وببسي وسفن اب

بغيت اشرب بايسن خفت تتفاعل مع القهر اللي فيني ويجيني جلطة

هو فاول الدوخي اللي جاء منه الهدف وش تبي يالدوخي ليه تعيق اللاعب هاااااه

نسيت مانبي نقسي على اللاعب توه في مقتبل العمر بيخدم النصر 10 سنوات قدام

حبيبي الدوخي اذا ماسعفتك خبرتك في مثل هاذي المولقف متى تستفيد منها

اما العنزي أقوله معليش يابطل المستقبل قدامك أستفد من اخطأك وانت مو أول

حارس يخطي وياليت المدرب يكثف علية التدريب ويركز في تمرينه على كثرة

الفاولات والعكسيات على شان يتعود العنزي ويعرف يكيف يطلع وكيف يوقف في بابه

انا عندي ملاحظة هل مدرب الحراس كفؤ لاني اشوف حراسنا نفس الاخطاء

مافيه تصحيح بالعكس مستواهم متذبذب هنا فتش عن مدرب الحراس وين دوره