مات الغـشــــــــــــــــيم

مات الزعيم

أي نعم مات الزعيم وقلتها مـن قبـل عـام

وما بقا له شيء يذكر غير في حضرة حريم

واحده منهـن تقـول اليـوم ياسـر مايـلام

وأختها قالت ترى لابد يعمـل لـه ريجيـم

وثالثه قالت أنا ماشفت مثلـه فـي الغـرام

ورابعه قالـت أنـا مانـي بشايفتـه وسيـم

ياحليلك كاسرن صمـت النواعـم عالـدوام

وصايرن لك في مجالسهن حضورن مستديم

الحقيقة ما أحب الضرب من تحـت الحـزام

بس أنا حب الصراحـة والكـلام المستقيـم

والـذي قلتـه عليـه الله شاهـد والأنــام

ماني بناقل كـلام ولا نـي بشخـص نميـم

دوم رافع هامتي وبخطوتـي مثـل الحسـام

ولو تريدوا تعرفوا أيش السبب قال الحكيـم

من يعشق العز يبقى شامـخ فـوق العـوام

ومن يعشق الذل عمره مايعيـش إلا سقيـم

وأنا من الله خلقني في النصر هايـم هيـام

ويشهد الله ماخذلنـي حاضـره ولا القديـم

النصـر تاريخـه أروع ماتسطـره القـلام

وشمسه اللي ماخبا إشعاعها اللـي مستديـم

وكان به ناس تقـول أشيـاء عنـه ماتـلام

لأن هو شاغل بنات أفكارهم لأنـه عظيـم

ذي يقول النصر مبطي ماهزم نادي الهـلام

واللذي قـال النصـر ماهـو بنـد للزعيـم

وأنا قول النصر أكبر مـن تفاهـات اللئـام

وأكبر من الروقي ومن عدنان وأبليس الرجيم

أسألـك بالله يالروقـي بتكتـب أي كــلام

لو كفر نادي الهـلال أستغفـر الله العظيـم

أدري أنك رح تقول القـول ماقالـت حـذام

وأدري أن المسألـة بيـع الضمايـر يالئيـم

أدري الساحة بها غيـرك ملاييـن الكـرام

ماتبيع أقلامها لـو حاولـوا يعطـون قيـم

ناس تكتب من ضمير وناس من غير أحترام

وناس ماخطت يديها شيء إلا فـي الصميـم

والله أني من شعار النصـر متقلـد وسـام

والفخر دام الجزيرة في وسط صدري تقيـم

ردودكم تهمني فلا تبخلوا حتى بالنقد